ପୂର୍ବତନ ଅବକାରୀ ଏସଆଇଙ୍କୁ ତିନି ବର୍ଷ ଜେଲ୍
ବାଲେଶ୍ୱର : ଭିଜିଲାନ୍ସ ସ୍ୱତନ୍ତ୍ର କୋର୍ଟରେ ବାରିପଦାର ପୂର୍ବତନ ଅବକାରୀ ସବ୍ ଇନସ୍ପେକ୍ଟର ରତ୍ନାକର ପଣ୍ଡାଙ୍କୁ ତିନି ବର୍ଷ ଜେଲ ଦଣ୍ଡ ମିଳିଛି। ଆୟ ବହିର୍ଭୂତ ସଂପତ୍ତି ଠୁଳ ମାମଲାରେ ତାଙ୍କୁ ୩ ବର୍ଷ ଜେଲଦଣ୍ଡ ସହ ୫୦ ହଜାର ଟଙ୍କାର ଜୋରିମାନାରେ ଦଣ୍ଡିତ କରାଯାଇଛି। ୨୦୦୩ ମାର୍ଚ୍ଚ ୨୬ରେ ଭିଜିଲାନ୍ସ ଶ୍ରୀ ପଣ୍ଡାଙ୍କ ଉଦଳା ସ୍ଥିତ ବାସଭବନ ଓ ବାରିପଦା ସ୍ଥିତ ଅଫିସରେ ଚଢାଉ କରିଥିଲା। ଏହାପରେ ତାଙ୍କ ବିରୋଧରେ ବାଲେଶ୍ୱର ଭିଜିଲାନ୍ସ ପକ୍ଷରୁ କେସ ନମ୍ବର ୧୬/୨୦୦୩ରେ ମାମଲା ରୁଜୁ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ଏକ ମାମଲାରେ ଅଭିଯୁକ୍ତ ଥିବା କନ୍ଧମାଳ ବାଲିଗୁଡା ପୂର୍ତ୍ତ ବିଭାଗର ଜୁନିୟର ଇଂଜିନିୟର ମହାଦେବ ଖଟାଇଙ୍କୁ ୩ ବର୍ଷ ଜେଲ ଦଣ୍ଡାଦେଶ ସହ ୩ ହଜାର ଟଙ୍କାର ଜୋରିମାନାରେ ଦଣ୍ଡିତ କରାଯାଇଛି। କନ୍ଧମାଳର ଅନ୍ତର୍ଯ୍ୟାମୀ ବେହେରାଙ୍କଠାରୁ ସେ ହଜାରେ ଟଙ୍କା ଲାଞ୍ଚ ନେବା ମାମଲାରେ ଭିଜିଲାନ୍ସ ୨୬/୨୦୦୭ରେ ଏକ ମାମଲା ରୁଜୁ କରିଥିଲା। ଏ ଘଟଣାର ଫଇସଲା କରି କୋର୍ଟ ଏହି ରାୟ ଶୁଣାଇଛନ୍ତି।