କାନ୍ଥ ଭୁଷୁଡ଼ି ୫ମ ଶ୍ରେଶୀ ଛାତ୍ରୀଙ୍କ ମୃତ୍ୟୁ, ୩ ଗୁରୁତର ଛାତ୍ରଙ୍କୁ ହସ୍ପିଟାଲରେ ଭର୍ତ୍ତି
ଭଦ୍ରକ: ବିଦ୍ୟାଳୟ ନିକଟରେ ଥିବା ଏକ ମାଟି ଘର କାନ୍ଥ ଭୁଷୁଡ଼ି ପଡ଼ିବାରୁ ମଙ୍ଗଳବାର ଅପରାହ୍ନରେ ଜଣେ ୫ମ ଛାତ୍ରୀର ମୃତ୍ୟୁ ଘଟିଥିବା ବେଳେ ୩ ଜଣ ଛାତ୍ରଙ୍କୁ ଗୁରୁତର ଭାବେ ହସ୍ପିଟାଲରେ ଭର୍ତ୍ତି କରାଯାଇଛି। ଭଦ୍ରକ ଜିଲ୍ଲାର ବାସୁଦେବପୁର ବ୍ଲକ ଅନ୍ତର୍ଗତ ବିନାୟକପୁର ପ୍ରାଥମିକ ବିଦ୍ୟାଳୟରେ ମଧ୍ୟାହ୍ନ ଭୋଜନ ବିରିତି ସମୟରେ ୫ମ ଶ୍ରେଣୀର ଛାତ୍ରୀ ମାନସୀ ମଳିକ, ୪ର୍ଥ ଶ୍ରେଣୀ ଛାତ୍ର ଜଗନ୍ନାଥ ଦାସ, ଶିବ ମଳିକ ଓ ବିଭୂତି ମଳିକ ଖେଳିବାକୁ ଯାଇଥିଲେ। ସେମାନେ ବିଦ୍ୟାଳୟ ନିକଟରେ ଥିବା ଏକ ମାଟି-ଚାଳ ଘର ନିକଟରେ ଖେଳୁଥିବା ସମୟରେ କାନ୍ଥ ପଡ଼ି ଯାଇଥିଲା। ଘଟଣାସ୍ଥଳରେ ମାନସୀର ମୃତ୍ୟୁ ଘଟିଥିବା ବେଳେ ଅନ୍ୟ ୩ଜଣଙ୍କୁ ଗୁରୁତର ଅବସ୍ଥାରେ ବାସୁଦେବପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଦୁର୍ଘଟଣା ପରେ ବ୍ଲକ ଶିକ୍ଷା ଅଧିକାରୀ, ସିଆରସିସି ଓ ବିଦ୍ୟାଳୟର ପ୍ରଧାନଶିକ୍ଷକ ଘଟଣାସ୍ଥଳକୁ ଯାଇଥିଲେ। ସେମାନେ ହସ୍ପିଟାଲରେ ଭର୍ତ୍ତି କରାଯାଇଥିବା ପିଲାମାନଙ୍କୁ ଭେଟିଛନ୍ତି। ଅନ୍ୟପଟରେ ବିଦ୍ୟାଳୟରେ ଏହି ଅଭାବନୀୟ ଘଟଣାକୁ କେନ୍ଦ୍ର କରି ଅଭିଭାବକ ମହଲରେ ତୀବ୍ର ପ୍ରତିକ୍ରିୟା ସୃଷ୍ଟି ହୋଇଛି। ଅଭିଭାବକମାନେ ମୃତ ଛାତ୍ରୀଙ୍କ ପରିବାରକୁ କ୍ଷତିପୂରଣ ଓ ଗୁରୁତର ପିଲାଙ୍କ ମାଗଣା ଚିକିତ୍ସା ଦାବି କରିଛନ୍ତି।