ଭଦ୍ରକ: ଡିଜେ ବାଜିବା କଥାରୁ ପୁଲିସ-ଜନତା ମାଡ଼ପିଟ୍; ତିନି ଆହତ
ଭଦ୍ରକ: ରବିବାର ରାତିରେ ଧାମନଗର ଅଞ୍ଚଳର ଚୂଡ଼ାକୁଟି ଦୋଳ ମେଲଣ ପଟୁଆରରେ ଡିଜେ ବଜିବା କଥାରୁ ପୁଲିସ ଓ ସାଧାରଣ ଜନତାଙ୍କ ମଧ୍ୟରେ ମାଡ଼ପିଟ୍ ଲାଗିବାରୁ ୩ ଜଣ ଲୋକ ଆହତ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଶୋଭାଯାତ୍ରାରେ ବିନା ଅନୁମତିରେ ବାଜୁଥିବା ଡିଜେକୁ ବନ୍ଦ କରିବାକୁ ପୁଲିସ ପହଞ୍ଚିବା ପରେ ସ୍ଥାନୀୟ ଲୋକମାନଙ୍କ ସହ ସେମାନଙ୍କର ବଚସା ଓ ପରେ ଧସ୍ତାଧସ୍ତି ହୋଇଥିଲା। ଫଳରେ ପୁଲିସ ଠାରୁ ମାଡ଼ ଖାଇ ୩ ଜଣ ଲୋକ ଆହତ ହୋଇଛନ୍ତି। ଶୋଭାଯାତ୍ରାରେ ବ୍ୟବହୃତ ଦୁଇଟି ଡିଜେକୁ ପୁଲିସ ଜବତ କରିଛି।
ଘଟଣାସ୍ଥଳରେ ଉତ୍ତେଜନା ଲାଗି ଥିବାରୁ ସମ୍ଭାବ୍ୟ ଅପ୍ରୀତିକର ପରିସ୍ଥିତିର ମୁକାବିଲା ପାଇଁ ୨ ପ୍ଲାଟୁନ୍ ଫୋର୍ସ ମୁତୟନ କରାଯାଇଛି।