ବାଲେଶ୍ୱର: ବାଲେଶ୍ୱର ଜିଲ୍ଲା ସଦର ଥାନା ଘୋଡାପଦା ନିକଟସ୍ଥ ବାଲିସାହି ଗ୍ରାମର ଜଣେ ବ୍ୟକ୍ତିଙ୍କ ଧାନ ବିଲରୁ ହାଡ ଓ ଖପୁରୀ ଭର୍ତ୍ତି ପଲିଥିନ୍ ମିଳିଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଆଜି ସକାଳେ ବାଲିସାହି ଗ୍ରାମର ବଳରାମ ମହାପାତ୍ର ତାଙ୍କ ବିଲକୁ ଧାନ କାଟିବା ପାଇଁ ଯାଇଥିଲେ। ଏହି ସମୟରେ ସେ ଏକ ପଲିଥିନ୍ ବିଲରେ ପଡିଥିବା ଦେଖିବାକୁ ପାଇ ସ୍ଥାନୀୟଲୋକଙ୍କୁ ଓ ସଦର ପୁଲିସକୁ ସୂଚନା ଦେଇଥିଲେ। ସଦର ପୁଲିସ ଓ ସ୍ଥାନୀୟଲୋକେ ଘଟଣାସ୍ଥଳରେ ପହଞ୍ଚି ଧାନ ବିଲରୁ ଉକ୍ତ ପଲିଥିନ୍ ଆଣି ଥିଲେ। ତା’ ଭିତରେ ଚାରିଟି ହାଡ ଓ ଭଙ୍ଗା ଖପୁରୀ ଥିବା ଦେଖିବାକୁ ମିଳିଥିଲା। ତେବେ ଏହି ହାଡଗୁଡ଼ିକ ମଣିଷର ବୋଲି ସନ୍ଦେହ କରାଯାଉଥିବା ବେଳେ। ଏଯାବତ୍ କୌଣସି ସ୍ପଷ୍ଟ ସୂଚନା ମିଳି ପାରିନାହିଁ।
ଏପଟେ ସଦର ଥାନା ଆଇଆଇସି ମମତା ସାହୁ ଉକ୍ତ ହାଡଗୁଡ଼ିକୁ ଜବତ କରି ୪୩/୧୮ରେ ମାମଲା ରୁଜୁ କରିଛନ୍ତି। ଏବଂ ଉକ୍ତ ହାଡଗୁଡ଼ିକୁ ଡିଏନ୍ଏ ପରୀକ୍ଷା ପାଇଁ ଜିଲ୍ଲା ହସ୍ପିଟାଲକୁ ପଠାଇ ଦେଇଛନ୍ତି। ସଦର ଥାନା ଆଇଆଇସି ମମତା ସାହୁଙ୍କ କହିବାନୁସାରେ, ତଦନ୍ତ ତ ଚାଲିଛି। କିନ୍ତୁ ନିକଟରେ ହୋଇଥିବା ବନ୍ୟା ହେତୁ ଏହା ହାଡ ଭର୍ତ୍ତି ପଲିଥିନ୍ କେଉଁଠାରୁ ଭାସି ଆସି ଥାଇପାରି ବି କୁହାଯାଇପାରେ।