ଆଠଗଡ: ବିଧାୟକଙ୍କ ମଣିଷପଣିଆକୁ ନେଇ ଚର୍ଚ୍ଚା ହୋଇଛି । ଆଠଗଡ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ ତାଙ୍କ ନିର୍ବାଚନ ମଣ୍ଡଳୀର ଜଣେ ବ୍ୟକ୍ତିଙ୍କ ଶବ କାନ୍ଧରେ ବୋହିଛନ୍ତି। ଆଠଗଡ ନିର୍ବାଚନ ମଣ୍ଡଳୀ କଣ୍ଡରେଇ ପଂଚାୟତ ସତ୍ୟନାରାୟଣପୁର ଗାଁରେ ରାମଚନ୍ଦ୍ର ଦାସଙ୍କ ଆଜି ସକାଳେ ପରଲୋକ ହୋଇଥିଲା । ଖବର ପାଇବା ମାତ୍ରେ ବିଧାୟକ ସାଂଗେ ସାଂଗେ ଯାଇ ଗାଁରେ ପହଞ୍ଚି ଥିଲେ । ଏପରିକି ବିଧାୟକ ନିଜେ କାନ୍ଧରେ ଶବ ବୋହି ଗାଁ ଶେଷ ଯାଏ ନେଇଥିଲେ । ପରେ ତାଙ୍କ ମର ଶରୀରକୁ ପୁରୀ ସ୍ୱର୍ଗଦ୍ୱାର ନିଆଯାଇଥିଲା । ଏହି କାମ ଲାଗି ବିଧାୟକଙ୍କୁ ପ୍ରଂଶସାରେ ପୋତି ପକାଇଛନ୍ତି ସ୍ଥାନୀୟ ବାସିନ୍ଦା।
Sambad is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ଏଭଳି ହିଁ ଏକ ଘଟଣା ଦେଖିବାକୁ ମିଳିଥିଲା ରେଙ୍ଗାଲିରେ । ଜଣେ ଅସହାୟ ବୃଦ୍ଧାଙ୍କ ଶବକୁ କାନ୍ଧ ଦେଇଥିଲେ ରେଙ୍ଗାଲି ବିଧାୟକ ରମେଶ ପଟୁଆ । କେବଳ ସେ ନୁହନ୍ତି, ତାଙ୍କ ପୁଅ ମଧ୍ୟ କାନ୍ଧ ଦେଇଥିଲେ । ରେଙ୍ଗାଲି ସୋଢାମାଲ ଅମାନାପାଲିରେ ଜଣେ ବୃଦ୍ଧା ଦୀର୍ଘଦିନ ଧରି ଭିକ୍ଷାବୃତ୍ତି କରି ଚଳୁଥିଲେ । ତାଙ୍କର ମୃତ୍ୟୁ ପରେ ସ୍ଥାନୀୟ ଅଂଚଳର କୌଣସି ଲୋକ କାନ୍ଧ ଦେବାକୁ ଆସିନଥିଲେ । ମାତ୍ର ଯେତେବେଳେ ବିଧାୟକ ଏସଂପର୍କରେ ଖବର ପାଇଥିଲେ ସେ ନିଜର ସବୁ କାର୍ଯ୍ୟକ୍ରମ ବାତିଲ କରି ନିଜର ଦୁଇ ପୁଅକୁ ସାଙ୍ଗରେ ଧରି ଉକ୍ତ ସ୍ଥାନରେ ପଂହଚି ଯାଇଥିଲେ । ଆଉ ବୃଦ୍ଧାଙ୍କ ମୃତଦେହକୁ କୋକଇରେ ବାନ୍ଧି ଶ୍ମଶାନକୁ ନେଇଥିଲେ । ଖାଲି ଏତିକି ନୁହେଁ ବୈଦିକ ରୀତିରେ ଅସହାୟ ବୃଦ୍ଧାଙ୍କ ଶବ ସଂସ୍କାର କରାଇଥିଲେ ବିଧାୟକ ରମେଶ ପଟୁଆ।