ଡାବୁଗାଁ: ନବରଙ୍ଗପୁର ଜିଲ୍ଲାର ଡାବୁଗାଁ ରାଜ୍ୟ ରାଜପଥ ଉପରେ ଥିବା ମୁଖ୍ୟ ତାରିଣୀ ମନ୍ଦିର ଛକ, ଦୈନିକ ବଜାର ଓ ଷ୍ଟେଟବ୍ୟାଙ୍କ ରୋଡ ଉପରେ ବୁଲା ଗାଈ-ଗୋରୁମାନେ କବଜା କରି ଘଣ୍ଟା ଘଣ୍ଟା ରାସ୍ତା ଉପରେ ରହୁଛନ୍ତି। ଏହା ଦ୍ୱାରା କୁତ୍ରିମ ଟ୍ରାଫିକ ସମସ୍ୟା ସହ ବହୁ ଅସୁବିଧା ଦେଖା ଦେଉଛି। ଏହି ବୁଲା ଗାଈ-ଗୋରୁମାନଙ୍କୁ ମୁଖ୍ୟ ଛକ ରାସ୍ତା ଉପରୁ ହଟାଇବାକୁ ପଞ୍ଚାୟତ ତରଫରୁ କୌଣସି ପଦକ୍ଷେପ ନିଆଯାଉ ନ ଥିବାରୁ ସାଧାରଣରେ ତୀବ୍ର ଅସନ୍ତୋଷ ପ୍ରକାଶ ପାଇଛି।
Sambad is now on WhatsApp
Join and get latest news updates delivered to you via WhatsApp
ବର୍ତ୍ତମାନ ଚାଷ କାର୍ଯ୍ୟ ଚାଲୁ ଥିବାରୁ ଚାଷୀମାନେ ମୁଣ୍ଡ ଝାଳ ତୁଣ୍ଡରେ ମାରି ଜମିରେ ବ୍ୟସ୍ତ ରହୁଛନ୍ତି କିନ୍ତୁ ଗୋ-ଚାଷୀମାନେ ଗାଈମାନଙ୍କୁ କ୍ଷୀର ଦୁହିଲା ପରେ ରାସ୍ତାରେ ଛାଡି ଦେଉଛନ୍ତି। ସେହି ଗୋରୁମାନେ ବିଭିନ୍ନ ଜମିରେ ପସି ରୁଆ ଧାନ ଖାଇ ନଷ୍ଟ କରିବା ସହ ରାଜ୍ୟ ରାଜପଥ ଉପରେ ଆସି ଘଣ୍ଟା ଘଣ୍ଟା ପଡି ରହୁଛନ୍ତି।
ଏତିକିରେ ଗୋରୁମାନେ ସନ୍ତୁଷ୍ଟ ନ ହୋଇ ଦୈନିକ ବଜାରର ପନିପରିବା, ଫଳ ଓ ତେଜରାତି ଦୋକାନରେ ଯାଇ ସାମଗ୍ରୀ ନଷ୍ଟ କରୁଛହନ୍ତି। ଦୈନିକ ବଜାରରୁ ପରିବା କିଣି ନେଉଥିବା ଗ୍ରାହକମାନଙ୍କୁ ଠେଲି ପରିବା ଖାଇ ଯାଉଛନ୍ତି। ଘଣ୍ଟା ଘଣ୍ଟା ଧରି ରାସ୍ତା ଉପରେ ବୁଲା ଗୋରୁ ମାନେ ରହୁ ଥିବାରୁ ଟ୍ରାଫିକ ସମସ୍ୟା ବଢୁଛି । ଏପରିକି ଛୋଟ ଛୋଟ ଦୁର୍ଘଟଣା ମଧ୍ୟ ଘଟୁଛି। ସ୍କୁଲ ପିଲାମାନେ ଭୟଭୀତ ହୋଇ ବିପଦ ପୂର୍ଣ୍ଣ ଭାବରେ ପ୍ରତିଦିନ ଏହି ଛକ ରାସ୍ତାଦେଇ ଯାତାୟାତ କରୁଛନ୍ତି ।