ଦେବଗଡ: ପୁଲିସକୁ ଏକ ବଡ ସଫଳତା ମିଳିଛି । ବିଶେଷ ସୂତ୍ରରୁ ସୂଚନା ମିଳିବା ପରେ ବିଭିନ୍ନ ସ୍ଥାନରେ ଚଢ଼ାଉ କରି ପୁଲିସ ୧୯ ଟି ବାଇକ ଜବତ କରିବା ସହିତ ୬ ଜଣକୁ ଗିରଫ କରିଥିବା ଜଣାପଡିଛି । ଗିରଫ ଅଭିଯୁକ୍ତଙ୍କୁ ଗୁରୁବାର କୋର୍ଟ ଚାଲାଣ କରାଯିବ ବୋଲି ଦେବଗଡ଼ ଥାନାରେ ଆୟୋଜିତ ସମ୍ବାଦିକ ସମ୍ମିଳନୀରେ ଏସଡିପିଓ ସୁଲେମାନ ଏକ୍କା ପ୍ରକାଶ କରିଛିା
Sambad is now on WhatsApp
Join and get latest news updates delivered to you via WhatsApp
ସୁଚନାରୁ ପ୍ରକାଶ ଯେ , ଦେବଗଡ଼ ପୁଲିସ ପକ୍ଷରୁ ଜିଲ୍ଲାର ବିଭିନ୍ନ ଅଂଚଳ ଚଢଉ କରିବା ପରେ ପ୍ରଥମେ ଚକୁଳିଆ ଗ୍ରାମର ବୁଧୁ କାଲୋକୁ ଦେବଗଡ଼ ପୁଲିସ ଗିରଫ କରିଥିଲା । ତା ପରେ ଉକ୍ତ ବାଇକ ଚୋରି ର୍ୟାକେଟ ସଂପର୍କରେ ଜଣାପଡିଥିଲା । ଘଟଣାରେ ସଂପୃକ୍ତ ଥିବା ପୁରୁକୁଣ୍ଡା ଗ୍ରାମର ମାୟାଧର ହସ୍ତୀ , ସୁନାମୁଣ୍ଡା ଗ୍ରାମର ଡିଲେଶ୍ୱର ପାତ୍ର, ସୁନାମୁଣ୍ଡା ଗ୍ରାମର ସୁଜିତ ନାୟକ ,ଲିଙ୍ଗରାଜ ପାତ୍ର ଏବଂ ତପନ ସାମଲକୁ ପୁଲିସ ଗିରଫ କରିଛି। ସେମାନଙ୍କ ନିକଟରୁ ଜବତ ହୋଇଥିବା ବାଇକ ଗୁଡିକ ରାଉଲକେଲା ୫ଟି ବାଇକ, କେଉଁଝର ଅଂଚଳର ୬ଟି , ସମ୍ବଲପୁରର ୪ଟି , ବରଗଡ ଗୋଟିଏ ଏବଂ ଦେବଗଡ଼ ଜିଲ୍ଲାର ୩ଟି ଅଂଚଳର ବୋଲି ଜଣାପଡିଛି । ଆୟୋଜତ ସମ୍ବାଦିକ ସମ୍ମିଳନୀରେ ଦେବଗଡ଼ ଥାନା ଭାରପ୍ରାପ୍ତ ଅଧିକାରୀ ଆଶିଷ ଜେନା ପ୍ରମୁଖ ଉପସ୍ଥିତ ଥିଲେ ।