ଦେବଗଡ଼: ପାଣି ନ ଥିବା ଟ୍ୟାଙ୍କର ନେଇ ଯାଉଥିବା ଟ୍ରାକ୍ଟର ଭାରସାମ୍ୟ ହରାଇ ଓଲଟି ପଡ଼ିବାରୁ ଗୁରୁବାର ୨ ନାବାଳକ ସମେତ ୪ଜଣ ଲୋକ ଆହତ ହୋଇଛନ୍ତି। ଆହତମାନଙ୍କ ମଧ୍ୟରୁ ୨ଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ବୁର୍ଲା ମେଡିକାଲ ସ୍ଥାନାନ୍ତର କରାଯାଇଛି। ଦେବଗଡ଼-ରିୟାମାଳ ରୋଡ଼ର ରିଆମାଳ ଥାନା ଅନ୍ତର୍ଗତ ଚିକିନିଘାଟି ନିକଟରେ ଟ୍ରାକ୍ଟରଟି ଭାରସାମ୍ୟ ହରାଇ ଓଲଟି ପଡ଼ିଥିଲା। ଫଳରେ ଦେବଗଡ଼ ବିଜ୍ଞାପିତ ଅଞ୍ଚଳ ପରିଷଦ ଅଧୀନ ନିବେର୍ଣ୍ଣିସାହିର ରାଜେଶ ମୁଣ୍ଡା(୧୯), ବିକ୍ରମ ମୁଣ୍ଡା(୧୨), ରଥୀ ମୁଣ୍ଡା(୧୮) ଓ ପିଆରା କେରକେଟା(୧୯) ଆହତ ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
ନିର୍ମାଣ କାମରୁ ଫେରୁଥିବା ଟ୍ରାକ୍ଟରରେ ୫ଜଣ ବସିଥିଲେ। ଟ୍ରାକ୍ଟରଟି ଓଲଟିବା ମାତ୍ରେ ୫ମ ବ୍ୟକ୍ତି ଭୟରେ ସେଠାରୁ ଖସି ପଳାଇ ଯାଇଥିଲା। ଚାଳକ ରାକେଶ ଓ ବିକ୍ରମ ସାମାନ୍ୟ ଆହତ ହୋଇଥିବା ବେଳେ ରଥୀ ଓ ପିଆରାଙ୍କୁ ପ୍ରଥମେ ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେମାନଙ୍କର ଅବସ୍ଥା ସଙ୍କଟାପନ୍ନ ହେବାରୁ ବୁର୍ଲା ସ୍ଥାନାନ୍ତର କରାଯାଇଛି। ସୂଚନା ପାଇଁ ପୁଲିସ ପହଞ୍ଚି ଘଟଣାର ତଦନ୍ତ କରୁଛି।