ଦେବଗଡ଼: ଗୁରୁବାର ଦ୍ୱିପହରୁ ଜିଲ୍ଲାର ସମସ୍ତ ଅଂଚଳରେ ଘଡଘଡି ପବନ ସହ ପ୍ରବଳ ବର୍ଷା ହୋଇଥିଲା। ଯାହା ଫଳରେ କି ଜିଲ୍ଲାବାସୀ ଆଶ୍ୱସ୍ତି ପାଇଛନ୍ତି। ରିଆମାଳ ବ୍ଲକର ଖିଲେଇ ଗ୍ରାମରେ ପ୍ରବଳ ବର୍ଷା ଓ ପବନ ଯୋଗୁଁ ୪ରୁ ୫ଟି ଘରର ଛପର ଉଡାଇ ନେଇଛି। ସେମାନଙ୍କ କ୍ଷୟକ୍ଷତି ଆକଳନ କରାଯାଇ ପ୍ରଶାସନ ପକ୍ଷରୁ ତୁରନ୍ତ କ୍ଷତିପୂରଣ ପ୍ରଦାନ ପାଇଁ ଗ୍ରାମବାସୀ ଦାବି କରିଛନ୍ତି। ବର୍ଷାଯୋଗୁଁ ବିଭିନ୍ନ ଗ୍ରାମରେ ବିଦ୍ୟୁତ ସରାବରାହ ମଧ୍ୟ ବିଚ୍ଛିନ୍ନ ରହିଛି।