ଢେଙ୍କାନାଳ: ରାକ୍ଷୀ ବାନ୍ଧିବାକୁ ଯାଇଥିଲେ, ପୋଖରୀରେ ବୁଡ଼ି ୨ ନାବାଳିକା ଭଉଣୀଙ୍କ ମୃତ୍ୟୁ
ଭୁବନ(କୃଷ୍ଣଚନ୍ଦ୍ର ସାହୁ): ଢେଙ୍କାନାଳ ଜିଲ୍ଲାର କାମାକ୍ଷାନଗର ଉପଖଣ୍ଡ ଅନ୍ତର୍ଗତ ଭୁବନ ଅଞ୍ଚଳରେ ପୋଖରୀକୁ ଶୌଚ ହେବାକୁ ଯାଇ ପାଣିରେ ବୁଡ଼ିଯାଇଛନ୍ତି। ଭୁବନ ଥାନା ଅଧିନ ମଠକରଗୋଳା ପଚାଂୟତର କରଡାପାଳ ଗ୍ରାମର ୨ ନାବାଳିକା ପୋଖରୀକୁ ସନ୍ଧ୍ୟା ୫ଟା ୩୦ରେ ଶୌଚ ହେବାକୁ ଯାଇଥିବାବେଳେ ମୃତ୍ୟୁର ଶିକାର ହୋଇଥିବା ଜଣାପଡ଼ିଛି। ପାଣିରେ ବୁଡିଯାଇଥିବା ନାବାଳିକାମାନେ ହେଲେ ଦୁଇଭଉଣୀ ।
Sambad is now on WhatsApp
Join and get latest news updates delivered to you via WhatsApp
ଖବରନେବାରୁ ଜଣାଯାଏ ଯେ ଅନୁଗୁଳ ଜିଲ୍ଲାର ତାଳଚେର ବାଘୁଆବୋଲ ଅଂଚଳର ଗୋପୀ ବରୁଆ ପତ୍ନୀ ରୀନା ବରୁଆଙ୍କ ସହିତ ଷଢୁ କୈଳାସ ଗୁଇଆ ଘରକୁ ରାକ୍ଷୀପୂର୍ଣ୍ଣାମା ପାଇଁ ଦୁଇ ଝିଅଙ୍କୁ ସାଥୀରେ ନେଇଆସିଥିଲେ । ୨ ନାବାଳିକା ଭଉଣୀମାନେ ସେମାନଙ୍କର ମାଉସୀ ପୁଅ ଭାଇଙ୍କୁ ରାକ୍ଷୀ ବାନ୍ଧି ଥିଲେ।
ଗୋପୀ ବରୁଆଙ୍କ ସାନ ଝିଅ ରାଧା ବୟସ ୫ ଗାଁ ପୋଖରୀକୁ ସନ୍ଧ୍ୟାରେ ଶୈାଚ କରିବାକୁ ଯାଇଥିଲେ । ଗୋଡ଼ ଖସିଯିବାରୁ ପାଣି ଭିତରକୁ ଚାଲିଯାଉଥିବା ଜାଣିପାରି ବଡଭଉଣୀ ଲକ୍ଷ୍ମୀ (୧୦) ସାନ ଭଉଣୀକୁ ଉଦ୍ଧାର କରିବାକୁ ଯାଇ ପୋଖରୀ ମଧ୍ୟକୁ ପଶି ଯାଇଥିଲେ । ପାଣିରେ ବୁଡିଯାଇ ଦୁଇ ଭଉଣୀଙ୍କର ମୃତୁ ଘଟିଥିଲା। ସାନ ଭଉଣୀକୁ ଗ୍ରାମବାସୀଙ୍କ ସହାୟତାରେ ମଠକେଗୋଳା ଯୁବବାହନିର ସଭାପତି ଯଶୋବନ୍ତ ନାରୟଣ ସାହୁ ଉଦ୍ଧାର କରିଥିବାବେଳେ ବଡ ଭଉଣୀକୁ ଭୁବନ ଦମକଳ ବାହିନୀର କର୍ମଚାରୀ ମାନେ ଉଦ୍ଧାର କରିଥିଲେ । ୨ଟି ଯାକ ଝିଅକୁ ହରାଇ ଗୋପୀ ବରୁଆ ଓ ପତ୍ନୀ ରୀନା ବରୁଆ ଭାଙ୍ଗି ପଡ଼ିଛନ୍ତି।