ଘାରିଛି ହାତୀ ଆତଙ୍କ, ଗ୍ରାମରେ ପଶି ଘର ଭାଙ୍ଗିବା ସହିତ ଛେଳିଗୁଡ଼ିକୁ ମାରି ଦେଉଛି ଜଙ୍ଗଲୀ ହାତୀ
କେନ୍ଦୁଝର : କେନ୍ଦୁଝର ଜିଲ୍ଲା ହାଟଡିଡି ବ୍ଲକ୍ରେ ନୁଆରଗୁଧି ଗାଁରରେ ଗ୍ରାମବାସୀଙ୍କୁ ଏବେ ହାତୀ ଆତଙ୍କ ଭୟବୀତ କରିଛି । ରାତି ରାତି ଉଜାଗର ରହି ସେମାନେ ହାତୀକୁ ଜଗି ରହୁଛନ୍ତି। ଜଙ୍ଗଲୀ ହାତୀ ଘର ଭାଙ୍ଗିବା ସହ ଧାନ ଚାଉଳ ଯାହା ଅଛି ଖାଇ ଉତ୍ପାତ କରୁଛି । ହାତୀକୁ ଘଉଡାଇବା ପାଇଁ ପାଖରେ ନାହିଁ ବାଣ କି ଲାଇଟ । ଗ୍ରାମବାସୀ ବନ ବିଭାଗକୁ ଏନେଇ ଅଭିଯୋଗ କରିଥିଲେ ହେଁ କିଛି ସୁଫଳ ମିଳୁନାହିଁ ବୋଲି ଗ୍ରାମବାସୀ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୁଚନା ମୁତାବକ, ହାଟଡିହି ବ୍ଲକର ଆଦିବାସୀ ବହୁଳ ଗହଳଡାହିି ସାହିରେ ଏବେ ହାତୀ ଆଙ୍କରେ ଭୟବୀତ ହୋଇପଡ଼ିଛନ୍ତି ଗ୍ରାମବାସୀ । ଏହି ଗ୍ରାମର ୯୦ ଭାଗ ଲୋକ ଆଦିବାସୀ ଓ ଗରିବ ଶ୍ରେଣୀର ଲୋକ ଜଙ୍ଗଲ ନିକଟରେ ରହୁଥିବାରୁ ସବୁ ବେଳେ ହାତୀ ଭୟ ସାଙ୍ଗକୁ ଭାଲୁ ଭୟରେ ରହୁଛି। ଅଧିକାଂଶ ସମୟରେ ୨ଟି ହାତୀ ଆସି ଲୋକମାନଙ୍କର ଘର ଭାଙ୍ଗିବା ସହ ଧାନଚାଉଳ ଖାଇ ନଷ୍ଟ କରୁଥିବା ଅଭିଯୋଗ ହୋଇଛି । ଗତକାଲି ବିଳମ୍ବିତ ରାତିରେ ଗୋଟେ ଦନ୍ତା ହାତୀ ଆସି ଗ୍ରାମର ପାର୍ବତୀ ମହାନ୍ତଙ୍କ ଘର ଭାଙ୍ଗିବା ସହ ତାଙ୍କର ୩ଟି ଛେଳି ମାରିଦେଇଥିବା ଅଭିଯୋଗ ହୋଇଛି ।
ସେହିଭଳି ହାତୀ ଆତଙ୍କ ଗ୍ରାମବାସୀମାନଙ୍କର ନିତିଦିନିଆ ହୋଇଥିବା ବେଳେ ବନ ବିଭାଗକୁ ଜଣାଇଲେ ମଧ୍ୟ କିଛି ପଦକ୍ଷେପ ନେଉ ନାହାନ୍ତି ବୋଲି ଅଭିଯୋଗ କରିଛନ୍ତି ଗ୍ରାମବାସୀ । ସେପଟେ ହାତୀ ଅଭୟାରଣ୍ୟ ହଦଗଡ ନିକଟରେ ଗ୍ରାମବାସୀମାନେ ରହୁଥିବାରୁ ହାତୀ ତାର ଚଲାବୁଲା କରୁଥିବା ବେଳେ ଗ୍ରାମ ମୁହାଁ ହୋଇଯାଉଛି ବୋଲି ସଫେଇ ଦେଇଛନ୍ତି ଆନନ୍ଦପୁର ଡିଏଫଓ । ଅନ୍ୟପକ୍ଷରେ କ୍ଷତିଗ୍ରସ୍ତ ଲୋକମାନଙ୍କୁ କ୍ଷତିପୂରଣ ଦେବା ସହ ହାତୀ ଲାଇଟ ଓ ହାତୀମାନଙ୍କୁ ଘଉଡାଇବା ପାଇଁ ପଦକ୍ଷେପ ନେବେ ବୋଲି କହିଛନ୍ତି ।