କନ୍ଧମାଳରୁ ଆଠଗଡ ଚାଲାଣ ଉଦ୍ୟମ: ୭୦ କିଲୋ ଗଂଜେଇ ଜବତ,୪ ଆନ୍ତଃଜିଲ୍ଲା ଅଭିଯୁକ୍ତ ଗିରଫ,୨ ଫେରାର
ପାଇଲଟିଂରେ ସଫାରି କାର ପଛେ ଗଂଜେଇ ଭର୍ତ୍ତି ବୋଲେରୋ
ଫୁଲବାଣୀ: ପାଇଲଟିଂରେ ଦାମିକା ସଫାରି କାର ପଛରେ ଗଂଜେଇ ଭର୍ତ୍ତି ବୋଲେରୋ ଗାଡି। କନ୍ଧମାଳରୁ କଟକ ଆଠଗଡକୁ ଗଂଜେଇ ଚାଲାଣ ହେଉଥିବା ବେଳେ ଫିରିଙ୍ଗିଆ ପୁଲିସକୁ ଏହାକୁ ରୋକିବାରେ ସକ୍ଷମ ହୋଇଛି। ପୁଲିସ ସଫାରି କାର ଓ ବୋଲେରୋ ଗାଡି ସହ ୭୦ କିଲୋ ଗଂଜେଇ ଜବତ କରିଥିବା ବେଳେ ୪ ଆନ୍ତଃଜିଲ୍ଲା ଅଭିଯୁକ୍ତଙ୍କୁ ଗିରଫ କରିଛି। ଗଂଜେଇ ଚାଲାଣ ହେଉଥିବା ବିଶେଷ ସୁତ୍ରରୁ ପୁଲିସକୁ ଖବର ମିଳିଥିଲା। ଓଆର-୦୨-ବିଏମ-୯୭୭୭ ନମ୍ବର ଏକ ସଫାରି କାର ଆଗରେ ପାଇଲଟିଂ କରି ଯାଉଥିବା ଓ ତା ପଛରେ ଓଡି-୦୨-ଏପି-୯୫୦୮ ନମ୍ବର ଏକ ବୋଲେରୋ ଗାଡିରେ ଗଂଜେଇ ଯାଉଛି।
Sambad is now on WhatsApp
Join and get latest news updates delivered to you via WhatsApp
ଏମିତି ଖବର ପାଇ ଫିରିଙ୍ଗିଆ ଥାନାଧିକାରୀ ଶ୍ୟାମସୁନ୍ଦର ରାଓଙ୍କ ନେତୃତ୍ୱରେ କାଶିନପଦର ନିକଟରେ ଅନ୍ୟ ପୁଲିସ ଅଧିକାରୀ ଓ କର୍ମଚାରୀ ସଜାଗ ରହିଥିଲେ। ଦ୍ରୁତ ଗତିରେ ପଳାଇ ଯିବାକୁ ଉଦ୍ୟମ କରୁଥିବା ସଫାରି କାର ଓ ବୋଲେରୋ ଗାଡିକୁ ପୁଲିସ ଅଟକାଇବାରେ ସଫଳ ହୋଇଥିଲା। ଯାଞ୍ଚ ପରେ ବୋଲେରୋ ଗାଡିରୁ ଗଂଜେଇ ବାହାରିଥିଲା।
ଏହି ଘଟଣାରେ କଟକ ଜିଲ୍ଲା ଆଠଗଡର ଜିତୁରଂଜନ ବେହେରା(୨୫), ବାସୁଦେବ ମହାପାତ୍ର(୨୫) ଓ ନବକିଶୋର ରଣା(୨୫) ଏବଂ ଙ୍କୋନାଳର ଆଲୋକ ରାଉତ(୨୨)ଙ୍କୁ ପୁଲିସ ଗିରଫ କରିଥିଲା। ଆଉ ୨ ଅଭିଯୁକ୍ତ ଗାଡି ମାଲିକ ଫେରାର ହୋଇ ଯାଇଥିଲେ। ସେମାନଙ୍କୁ ଧରିବା ନିମନ୍ତେ ଉଦ୍ୟମ ଚାଲିଛି ବୋଲି ପୁଲିସ କହିଛି। ଗିରଫ ୪ ଅଭିଯୁକ୍ତଙ୍କୁ ଆଜି ଅପରାହ୍ନରେ ଫୁଲବାଣୀ କୋର୍ଟକୁ ଚାଲାଣ କରାଯାଇଛି।