ନାବାଳିକାକୁ ଦୁଷ୍କର୍ମ ଅଭିଯୋଗରେ ଦୁଇ ଅଭିଯୁକ୍ତ ଗିରଫ
ବ୍ରହ୍ମପୁର: ନାବାଳିକାକୁ ଦୁଷ୍କର୍ମ କରିବା ଅଭିଯୋଗରେ ଦୁଇ ଜଣ ଅଭିଯୁକ୍ତଙ୍କୁ ଗଞ୍ଜାମ ପୁଲିସ ଗିରଫ କରିଛି | ଏହି ଦୁଇ ଯୁବକଙ୍କ ନାମ ଜନାର୍ଦ୍ଦନ ବେହେରା ଓ ମିଥୁନ ଦାସ ବୋଲି ଜଣାପଡିଛି | ମିଳିଥିବା ସୂଚନା ମୁତାବକ ଜାନୁୟାରୀ ୧୦ ତାରିଖ ଦିନ ୧୪ ବର୍ଷର ନାବାଳିକା ଜଣକ ଶୌଚ ହେବାକୁ ବାହୁଡା ନଦୀ କୂଳକୁ ଯାଇଥିବା ବେଳେ ସେହି ଗାଁର ଜନାର୍ଦ୍ଦନ ବେହେରା ଓ ତାଙ୍କ ସାଙ୍ଗ ମିଥୁନ ଦାସ ତାଙ୍କୁ ଜୋର ଜବରଦସ୍ତ ଓଢଣିରେ ବାନ୍ଧି ପକାଇ ଦୁଷ୍କର୍ମ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଦୁଇ ଅଭିଯୁକ୍ତ ନାବାଳିକାଙ୍କୁ ଧରି ତାଙ୍କୁ ଓଢ଼ଣିରେ ବାନ୍ଧି ପକାଇବା ପରେ ନିଶା ଦ୍ରବ୍ୟ ମିଶିଥିବା ଏକ ପାନୀୟ ପିଆଇ ଦେଇଥିଲେ | ଏହା ପରେ ନାବାଳିକାକୁ ଦୁଷ୍କର୍ମ କରି ଫେରାର ହୋଇଯାଇଥିଲେ | ପୀଡ଼ିତା ଚେତା ଫେରି ପାଇବା ପରେ ଘରେ ଆସି ଏ ବାବଦରେ କହିଥିଲା |
ପରେ ଝିଅର ପରିବାର ଲୋକ ମେରାଇନ ଥାନାରେ ଅଭିଯୋଗ କରିଥିଲେ | ପୁଲିସ ଏହି ଘଟଣାରେ ତଦନ୍ତ କରି ଗତକାଲି ଦୁଇଜଣଙ୍କୁ ଗିରଫ କରିଥିଲା | ଅଭିଯୁକ୍ତଙ୍କ ନାମରେ ଆଇପିସିର ଧାରା ୩୬୩, ୩୨୩, ୩୭୬(ଡି)(ଏ) ସହ ପୋସକୋ ଆଇନରେ ମାମଲା ରୁଜୁ କରିଛି | ଆଜି ସେମାନଙ୍କୁ କୋର୍ଟ ଚାଲାଣ କରାଯାଇଛି।