ଗଞ୍ଜାମ: ଗୁଣି ଗାରେଡି ସନ୍ଦେହରେ ଆକ୍ରମଣ, ୨ ଅଟକ
ଭଞ୍ଜନଗର: ଗଞ୍ଜାମ ଜିଲ୍ଲାର ହିଂଜିଳି ଥାନା ଅନ୍ତର୍ଗତ ଦୁର୍ବନ୍ଧ ଓ ସାଉଁଳେଈ ଛକ ନିକଟରେ ଶୁକ୍ରବାର ଆକ୍ରମଣ କରାଯାଇଛି। ମିଳିଥିବା ସୂଚନା ଅନୁସାରେ ଗୁଣି ଗରେଡି ସନ୍ଦେହରେ ଏଠାରେ ୩ ଜଣ ଲୋକଙ୍କୁ ସଂଘବଦ୍ଧ ଆକ୍ରମଣ କରାଯାଇଛି। ଗୋଟିଏ ପରିବାରର ୩ ଜଣ ମହିଳା ଓ ଜଣେ ପୁରୁଷଙ୍କ ସମେତ ଗୁଣିଆ ଆକ୍ରମଣର ଶିକାର ହୋଇଛନ୍ତି। ପୁଲିସ ଗୁରୁତର ଅବସ୍ଥାରେ ସମସ୍ତଙ୍କୁ ଉଦ୍ଧାର କରିଛି। ଗୁରୁତର ଆହତ ଚାନ୍ଦୁଲି ଗାଁର ଗୁଣିଆ ଭଗବାନ ସାହୁ। ଘଟଣାରେ ଦୁର୍ବନ୍ଧ ଗାଁର ୪୦ ରୁ ୫୦ ଜଣ ଉଭୟ ପୁରୁଷ ଓ ମହିଳା ସାମିଲ ଅଛନ୍ତି। ଦୁଇ ଜଣଙ୍କୁ ପୋଲିସ ଥାନାରେ ଅଟକ ରଖି ଜେରା କରୁଛି l
Sambad is now on WhatsApp
Join and get latest news updates delivered to you via WhatsApp
ଭଗବାନ ସାହୁଙ୍କ ଅଭିଯୋଗ ଅନୁସାରେ ଆଜି ଅପରାହ୍ନ ୧ଟାରେ ଦୁର୍ବନ୍ଧ ଗ୍ରାମର ସଞ୍ଜୟ ସାହୁ, ଝଡ଼ିଆ ସାହୁ, ଗଙ୍ଗା ବେହେରା, ସାଗର ବେହେରା, ଦୁର୍ଗା ମହାପାତ୍ର ଓ ତାଙ୍କର କିଛି ସହଯୋଗୀ ମୋ ଘରକୁ ଆସି ଅଭଦ୍ର ଭାଷାରେ ଗାଳି ଦେଇଥିଲେ। ସେମାନେ ଲୁହାର ରଡରେ ମରଣାନ୍ତକ ଆକ୍ରମଣ କରିଥିଲେ। ଚେତାଶୂନ୍ୟ ହେବା ପରେ ମୋତେ ଛାଡ଼ି ଯାଇଥିଲେ।