ପୁରୀ: ଗତକାଲି ପ୍ରାୟ ରାତି ୧୨ଟା ବେଳେ ଅସ୍ତରଙ୍ଗରେ କାଳବୈଶାଖୀ ତାଣ୍ଡବ ରଚିବା ଆରମ୍ଭ କରିଦେଇଥିଲା। ୧୦୦କିଲୋମିଟରରୁ ଊର୍ଧ୍ୱ ବେଗରେ ପବନ ବହିବା ଯୋଗୁଁ କାକଟପୁର ବ୍ଲକ୍ ବ୍ୟାପକ ଭାବେ କ୍ଷତିଗ୍ରସ୍ତ ହୋଇଛି । ପବନରେ ଲକ୍ଷାଧିକ ଟଙ୍କାର ପାନବରଜ ନଷ୍ଟ ହୋଇଥିବା ବେଳେ ଘରର ଚାଳଛପର ଉଡ଼ିଯାଇଥିଲା । ଏପରିକି ୧୦୦ ବର୍ଷ ପୁରୁଣା ବରଗଛ ମଧ୍ୟ ଏହି କାଳବୈଶାଖୀ ହେତୁ ଉପୁଡ଼ି ପଡ଼ିଥିଲା। ଗଛ ଉପୁଡ଼ି ପଡ଼ିବା ଯୋଗୁ ବିଦ୍ୟୁତ ଯୋଗାଣ ଓ ମୋବାଇଲ୍ ସେବା ସମ୍ପୂର୍ଣ୍ଣ ରୂପେ ବ୍ୟାହତ ହୋଇଛି। ଅନ୍ୟପଟେ କୁଣ୍ଢେଇ-ଓସଦା ରାସ୍ତାରେ ଯାତାୟାତ ବନ୍ଦ ହୋଇ ଯାଇଛି । ରାତିର ଏହି କାଳବୈଶାଖୀ ଯୋଗୁ ଯାତ୍ରାପାର୍ଟି ପେଣ୍ଡାଲ୍ ମଧ୍ୟ ଭାଙ୍ଗି ଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତକାଲି ରାତିରୁ ବର୍ଷା ଫଳରେ ଅସହ୍ୟ ଗରମ ଓ ତାତିରୁ ଆଶ୍ୱସ୍ତି ମିଳିଛି । ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ସୂଚନା ଅନୁଯାୟୀ କାଳ ବୈଶାଖୀ ପ୍ରଭାବରେ ଉପକୂଳ ଓଡିଶାର ସମସ୍ତ ସ୍ଥାନରେ ବର୍ଷା ଲାଗି ରହିଛି। ଆଗାମୀ ମଇ ୪ରୁ ୫ ତାରିଖ ଯାଏଁ ସାରା ଓଡିଶାରେ ତାତି କମିବା ସହ ଉପକୂଳ ଓଡିଶାରେ କାଳ ବୈଶାଖୀର ପ୍ରଭାର ଅନୁଭୂତ ହେବ ।