ଝାରସୁଗୁଡ଼ା: ଜଣେ ନାବାଳିକା ଛାତ୍ରୀଙ୍କୁ ଅପହରଣ କରିନେବା ଅପରାଧରେ ଦୋଷୀ ସାବ୍ୟସ୍ତ ଇମ୍ତିଆଜ ଖାନ୍କୁ ଝାରସୁଗୁଡ଼ା ଜିଲ୍ଲା ଓ ଦୌରାଜଜ୍ ଗୋପାଳ ଚନ୍ଦ୍ର ପଟ୍ଟନାୟକ ଆଜୀବନ କାରାଦଣ୍ଡାଦେଶ ଶୁଣାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ପ୍ରକାଶ ଯେ,ଗତ ୨୦୦୭ ମସିହା ଫେବୃୟାରି ୧୩ ତାରିଖ ଦିନ ବ୍ରଜରାଜନଗର ଠାରେ ଜଣେ ଦଶମ ଶ୍ରେଣୀର ଛାତ୍ରୀଙ୍କୁ ସମ୍ବଲପୁର ସାକ୍ଷୀପଡ଼ାର ଇମ୍ତିଆଜ ଖାନ୍ ଅପହରଣ କରି ନେଇଥିଲା ଓ ଛାତ୍ରୀଙ୍କ ପରିବାରଙ୍କ ଠାରୁ ୫୦ ହଜାର ଟଙ୍କା ଦାବି କରିଥିଲା । ଛାତ୍ରୀଙ୍କୁ ଦୁଇଦିନ କାଳ ଅଟକ ରଖିବାପରେ ଅଭିଯୁକ୍ତ ୨୫ ହଜାର ଟଙ୍କା ନେଇ ତାକୁ ମୁକ୍ତ କରିଥିଲା ।
ଏ ନେଇ ବ୍ରଜରାଜନଗର ଥାନାରେ ଏକ ମାମଲା ରୁଜୁ ହୋଇ ଅଭିଯୁକ୍ତ ନାମରେ ଦଫା ୩୬୪(ଏ) ଦାୟର ହୋଇଥିଲା । ମାନ୍ୟବର କୋର୍ଟ ୧୧ ଜଣ ସାକ୍ଷୀଙ୍କ ବୟାନ ଓ ୧୩ ଗୋଟି ନଥିପତ୍ରକୁ ଆଧାର କରି ଅଭିଯୁକ୍ତକୁ ଦୋଷୀ ସାବ୍ୟସ୍ତ କରି ଉପରୋକ୍ତ ଦଣ୍ଡବିଧାନ କରିବା ସହିତ ୨୦ ହଜାର ଟଙ୍କା ଅର୍ଥଦଣ୍ଡ ମଧ୍ୟ ଦେଇଛନ୍ତି । ଜୋରିମାନା ଅର୍ଥ ଅନାଦେୟ ହେଲେ ଅଧିକ ୩ ମାସ ଜେଲ ଦଣ୍ଡାଦେଶ ପାଇଁ ନିର୍ଦ୍ଦେଶ ଦେଇଛନ୍ତି।