ଝାରସୁଗୁଡ଼ା: ସୋମବାର ପାହାନ୍ତାରେ ବେଲପାହାଡ଼ ପୌରାଞ୍ଚଳ ଅନ୍ତର୍ଗତ ଜୁନାଡ଼ିହି କଲେଜପଡ଼ାରେ ଗୋଟାଏ ବଣୁଆ ଭାଲୁ ହାବୁଡ଼ରେ ପଡ଼ି ଜଣେ ମହିଳା ଓ ତାଙ୍କ ଝିଅ ଖଣ୍ଡିଆଖାବରା ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆହତ ଦ୍ୱୟ ହେଲେ ଜୁନାଡ଼ିହି ନିବାସୀ କାହ୍ନ ମେହେରଙ୍କ ୩୭ ବର୍ଷୀୟ ପତ୍ନୀ ଅନୀତା ଏବଂ ତାଙ୍କ ୧୬ ବର୍ଷୀୟ ଝିଅ ରଶ୍ମି।
ଫୁଲ ତୋଳିବାକୁ ଭୋର୍ ପ୍ରାୟ ୪: ୩୦ ସମୟରେ ସେମାନେ ପାଖରେ ଥିବା ଗୋଟାଏ ପାଣି ଟଙ୍କି ନିକଟକୁ ଯାଇଥିଲେ। ହଠାତ୍ କୁଆଡୁ ଗୋଟାଏ ଭାଲୁ ଆସି ମାଆ ଓ ଝିଅଙ୍କୁ ଆକ୍ରମଣ କରି ଲହୁଲୁହାଣ କରି ପକାଇଲା। ସେମାନଙ୍କ ଚିତ୍କାର ଶୁଣି ଗାଁ ଲୋକେ ଧାଇଁ ଆସି ଭାଲୁକୁ ଘଉଡ଼ାଇ ଦେଇଥିଲେ।
ଚିକିତ୍ସା ନିମନ୍ତେ ତୁରନ୍ତ ଦୁହିଁଙ୍କୁ ଟିଆର୍ଏଲ୍ ଡାକ୍ତରଖାନାକୁ ନିଆଯାଇଛି। ସେମାନଙ୍କ ଜଙ୍ଘରେ ଗଭୀର କ୍ଷତ ହୋଇଛି। ଏବେ ମାଆ ଓ ଝିଅ ବିପଦମୁକ୍ତ ବୋଲି ଡାକ୍ତରମାନେ କହିଛନ୍ତି।