କନ୍ଧମାଳ: ଗୁଣିଗାରେଡ଼ି ସନ୍ଦେହରେ ଫୁଲବାଣୀ ଥାନା ବିଡ଼ାଙ୍ଗିସାହିରେ ଜଣେ କନଷ୍ଟେବଲଙ୍କୁ ସ୍ଥାନୀୟ ଲୋକେ ଲଣ୍ଡା କରିଥିବା ଅଭିଯୋଗ ହୋଇଛି। ମିଳିଥିବା ସୂଚନା ଅନୁସାରେ ଲୋକମାନେ କନଷ୍ଟେବଲଙ୍କୁ ମଇଲା ମଧ୍ୟ ଖୁଆଇଛନ୍ତି। ଅଭିଯୋଗ ହେବା ପରେ ଘଟଣା ସହିତ ସଂପୃକ୍ତ ଅନ୍ୟ ଜଣେ କନଷ୍ଟେବଲ ଓ ତା’ର ଅନ୍ୟ କିଛି ସହଯୋଗୀଙ୍କୁ ଥାନାରେ ଅଟକ ରଖାଯାଇଛି।
Sambad is now on WhatsApp
Join and get latest news updates delivered to you via WhatsApp
ବିବରଣୀ ହୋଇଛି ଏମିତି। ଥାନାରେ ହୋଇଥିବା ଅଭିଯୋଗ ଅନୁସାରେ ଏସ୍ଓଜି ଯବାନ ଅମରେନ୍ଦ୍ର କହଁରଙ୍କ ଭଉଣୀଙ୍କ ଦେହ ୨ ଦିନ ତଳେ ଅସୁସ୍ଥ ଥିବାରୁ ସେ କନ୍ଧମାଳ ଜିଲ୍ଲା ଚକାପାଦ ବ୍ଲକ ଅନ୍ତର୍ଗତ ପସରା ଥାନାରେ ଅବସ୍ଥାପିତ କନଷ୍ଟେବଲ ଗୌରାଙ୍ଗ ଚରଣ କହଁର ଗୁଣିଗାରେଡ଼ି ଚିକିତ୍ସା କରୁଥିଲେ। ଏ ନେଇ ସୋମବାର ଅମରେନ୍ଦ୍ର ଓ ଗୌରାଙ୍ଗଙ୍କ ମଧ୍ୟରେ ପ୍ରଥମେ ବଚସା ହୋଇଥିଲା। ଅମରେନ୍ଦ୍ର ଫୋନରେ ଗୌରାଙ୍ଗଙ୍କୁ ଧମକ ଦେଇଥିଲୋ। ପରେ ଗାଁରେ ବୈଠକ ବସିଥିଲା। ଗାଁ ବୈଠକରେ ଗୌରାଙ୍ଗକୁ ଯୋରଜବରଦସ୍ତ ଦୋଷି ସାବ୍ୟସ୍ତ କରାଯାଇ ମଇଳା ଖୁଆଯାଇଥିଲା ଓ ଲଣ୍ଡା କରାଯାଇ ଛଡ଼ାଯାଇଥିଲା।
ନିଜ ବାପାଙ୍କୁ ଗାଁ ଲୋକଙ୍କ ଦ୍ୱାରା ଏଭଳି ହଇରାଣ ଓ ନିର୍ଯ୍ୟାତନା ଦେବା ପରେ ଝିଅ ଟାଉନ ଥାନାରେ ଅଭିଯୋଗ କରିଛନ୍ତି। ପୁଲିସ ୨୦୨/୧୭ରେ ଏକ ମାମାଲା ରୁଜୁ କରି ମଙ୍ଗଳବାର ୪ଜଣକୁ ଗିରଫ କରି ଘଟଣାର ତଦନ୍ତ କରୁଛି।