ସରକାରୀ ଅର୍ଥ ଆତ୍ମସାତ୍ : ପ୍ରଧାନଶିକ୍ଷକଙ୍କୁ ୫ ବର୍ଷ ଜେଲ୍
ଫୁଲବାଣୀ : ସରକାରୀ ଅର୍ଥ ଆତ୍ମସାତ ମାମଲାରେ କନ୍ଧମାଳ ଜିଲ୍ଲା ତୁମୁଡିବନ୍ଧ ବ୍ଲକ ଜଗାଡି ପ୍ରକଳ୍ପ ଉଚ୍ଚ ପ୍ରାଥମିକ ସ୍କୁଲର ତତ୍କାଳୀନ ପ୍ରଧାନଶିକ୍ଷକ ନରେଶ ଦିଗାଲଙ୍କୁ ଦୋଷୀ ସାବ୍ୟସ୍ତ କରି ଫୁଲବାଣୀ ସ୍ୱତନ୍ତ୍ର ଜିଜିଲାନସ ଜଜ୍ ୫ ବର୍ଷ ଜେଲ ଦଣ୍ଡାଦେଶ ପ୍ରଦାନ କରିଛନ୍ତିି। ଏଥିସହ ୫ ଲକ୍ଷ ୫୦ ହଜାର ଟଙ୍କା ଜରିମାନା ଦେବାକୁ ନିର୍ଦ୍ଦେଶ ଦିଆଯାଇଛି। ଜରିମାନା ଅର୍ଥ ଅନାଦେୟ, ଶ୍ରୀ ଦିଗାଲଙ୍କୁ ଆହୁରି ଅଧିକ ଗୋଟିଏ ବର୍ଷ ଜେଲଦଣ୍ଡ ଭୋଗିବାକୁ ରାୟରେ କୁହାଯାଇଛି।
Sambad is now on WhatsApp
Join and get latest news updates delivered to you via WhatsApp
ଶ୍ରୀ ଦିଗାଲଙ୍କ ବିରୁଦ୍ଧରେ ୨୦୦୯-୧୦ ଆର୍ଥିକବର୍ଷରେ ସ୍କୁଲର ନୂତନ କୋଠା ଘର ନିର୍ମାଣ ନିମନ୍ତେ ସର୍ବଶିକ୍ଷା ଅଭିଯାନ ପକ୍ଷରୁ ଆସିଥିବା ଅର୍ଥ ଆତ୍ମସାତ୍ କରିଥିବା ନେଇ ଅଭିଯୋଗ ହୋଇଥିଲା।