କେନ୍ଦ୍ରାପଡ଼ା/ ମହାକାଳପଡ଼ା : କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଲକ ଅନ୍ତର୍ଗତ ରାଜଗଡ ଗ୍ରାମରେ ଆଜି ଏକ ନକଲି ଜର୍ଦ୍ଦା କାରଖାନା ଠାବ କରାଯାଇଛି। ଜିଲ୍ଲା ପୁଲିସର ସ୍ବତନ୍ତ୍ର ସ୍କ୍ବାଡ୍ ସେଠାରେ ଚଢଉ କରି ୨ଜଣଙ୍କୁ ଗିରଫ କରିଛି। ନକଲି କାରଖାନା ଭିତରୁ ଯନ୍ତ୍ରପାତି ଓ ନକଲି ଜର୍ଦ୍ଦା ସମେତ ଅନ୍ୟାନ୍ୟ ସାମଗ୍ରୀ ଜବତ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, ରାଜଗଡ ଗ୍ରାମରେ ଦୀର୍ଘଦିନ ହେବ ଏକ ନକଲି ‘ଗୋପାଳ’ ଜର୍ଦ୍ଦା କାରଖାନା ଚାଲୁଥିଲା। ଏ ନେଇ କମ୍ପାନି ପକ୍ଷରୁ ଜେନେରାଲ ମ୍ୟାନେଜର କେ.ଏସ୍. ଚୈାହାନ୍ କେନ୍ଦ୍ରାପଡା ଏସ୍ପି ନୀତିଶେଖରଙ୍କ ଦୃଷ୍ଟି ଆକର୍ଷଣ କରିଥିଲେ। ଏସ୍ପିଙ୍କ ନିର୍ଦ୍ଦେଶ କ୍ରମେ ଜିଲ୍ଲାର ସ୍ବତନ୍ତ୍ର ସ୍କ୍ବାଡ୍ ଆଇଆଇସି ପି.କେ. କାନୁନ୍ଗୋ ଓ ମହାକାଳପଡା ଥାନା ଅଧିକାରୀ ମନୋର˚ଜନ ଚୈାଧୁରୀଙ୍କ ନେତୃତ୍ବରେ ଏକ ଟିମ୍ ଉକ୍ତ ଗ୍ରାମରେ ଚାଲିଥିବା ନକଲି ଜର୍ଦ୍ଦା କାରଖାନା ଉପରେ ଚଢଉ କରିଥିଲେ। ଚଢଉ ବେଳେ ନକଲି ଜର୍ଦ୍ଦା ତିଆରି କରୁଥିବା ରାଜଗଡ ଗ୍ରାମର ସ˚ଜୟ ମଳିକ ଓ ସାଜିଦ୍ ରାଜାଙ୍କୁ ଗିରଫ କରାଯାଇଥିଲା। ସେଠାରୁ ବିପୁଳ ପରିମାଣର ନକଲି ଗୋପାଳ ଜର୍ଦ୍ଦା, ନକଲି ଜର୍ଦ୍ଦା ତିଆରି ସାମଗ୍ରୀ ଓ ଏଥିରେ ବ୍ୟବହୃତ ସରଂଜାମ ଜବତ କରାଯାଇଥିଲା। ‘ଗୋପାଳ’ ଜର୍ଦ୍ଦା କମ୍ପାନି ମ୍ୟାନେଜର ଶ୍ରୀ ଚୈାହାନଙ୍କ ଅଭିଯୋଗ କ୍ରମେ ପୁଲିସ୍ ଏକ ମାମଲା(୪/୧୯) ରୁଜୁ କରି ଅନୁସନ୍ଧାନ ଜାରି ରଖିଛି।