ଗଞ୍ଜାମ : ଆସନ୍ତାକାଲି ଭଞ୍ଜନଗର ଓ ବୁଗୁଡ଼ା ଓକିଲ ସଂଘ ପକ୍ଷରୁ କାର୍ଯ୍ୟବନ୍ଦ ଡାକରା
ଗଞ୍ଜାମ: ଦୀର୍ଘ ୭୮ ଦିନ ଧରି ଚାଲିଥିବା ଆଇନଜୀବୀ ଓ ପୁଲିସ ବିବାଦର ସମାଧାନ ଆଜି ହୋଇଥିଲେ ହେଁ ଗଞ୍ଜାମ ଜିଲ୍ଲା ବୁଗୁଡ଼ାରେ ଆଇନ୍ଜୀବୀଙ୍କୁ ପୁଲିସର ମାଡ଼ ବିବାଦ ଥମିବାର ନାମ ନେଉନାହିଁ। ଏହାକୁ ନେଇ ଗଞ୍ଜାମ ଜିଲ୍ଲାରେ ଆସନ୍ତା ଗୁରୁବାର ସମସ୍ତ କୋର୍ଟରେ ଓକିଲଙ୍କ କାର୍ଯ୍ୟ ବନ୍ଦ କରିବାକୁ ଭଞ୍ଜନଗର ଓ ବୁଗୁଡ଼ା ଓକିଲ ସଂଘର ନିଷ୍ପତ୍ତି ହୋଇଛି। ତେଣେ ଏ ନେଇ ପୁଲିସ ଉପରେ ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ଜିଲ୍ଲା ଓକିଲ ସଂଘ ଦାବି କରିଛି, ଯାହାକୁ ନେଇ ଗଞ୍ଜାମ ଜିଲ୍ଲା ପ୍ରଶାସନ ଅଡ଼ୁଆରେ ପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ବୁଗୁଡ଼ାରେ ଜନୈକ ଆଇନ୍ଜୀବୀଙ୍କୁ ଥାନା ଅଧିକାରୀଙ୍କ ମାଡ଼ ଘଟଣାକୁ ନେଇ କାର୍ଯ୍ୟବନ୍ଦ ଆନ୍ଦୋଳନକୁ ଓହ୍ଲାଇଛନ୍ତି ଭଞ୍ଜନଗର ଓ ବୁଗୁଡ଼ା ଆଇନ୍ଜୀବୀ ସଂଘ। ଆଜି ସଂଧ୍ୟାରେ ଗଞ୍ଜାମ ଜିଲ୍ଲାର ସବୁ ଆଇନ୍ଜୀବୀ ସଂଘକୁ ନେଇ ବୈଠକ ବସିବ। ଏହାପରେ ପରବର୍ତ୍ତୀ କାର୍ଯ୍ୟପନ୍ଥା ନିର୍ଦ୍ଧାରଣ କରିବ ବୋଲି ସଂଘ କହିଛି।