ମାଲକାନଗିରି: ପତ୍ନୀଙ୍କ ସହିତ ପରକୀୟ ପ୍ରତି ସନ୍ଦେହରେ ଜଣେ ଯୁବକ ଅନ୍ୟ ଜଣେ ଯୁବକଙ୍କୁ ଛୁରି ଭୁସି ହତ୍ୟା କରିଛନ୍ତି। ପୁଲିସ ମୃତଦେହ ଜବତ କରି ଘଟଣାର ରଦନ୍ତ ଆରମ୍ଭ କରିଛି।
Sambad is now on WhatsApp
Join and get latest news updates delivered to you via WhatsApp
ପୁଲିସଠାରୁ ମିଳିଥିବା ସୂଚନା ଅନୁଯାୟୀ, ଏମପିଭି-୪ ଗାଁର ନିରଞ୍ଜନ ସରଦାର ଓ ସେହି ଗ୍ରାମର ସମୀର ବୈରାଗୀଙ୍କ ମଧ୍ୟରେ ଗତ କିଛି ଦିନ ହେବ ପାଟିତୁଣ୍ଡ ଲାଗି ରହିଥିଲା ।ସମୀରଙ୍କ ପତ୍ନୀଙ୍କ ସହିତ ନିରଞ୍ଜନଙ୍କର ପରକୀୟା ପ୍ରୀତି ଥିଲା ବୋଲି ସମୀର ଅଭିଯୋଗ କରୁଥିଲେ। ଏପରିକି ତାଙ୍କ ପତ୍ନୀଙ୍କ ସହିତ ମିଳାମିଶା ନ କରିବାକୁ ସମୀର ନିରଞ୍ଜନଙ୍କୁ ପୂର୍ବରୁ ଚେତାବନୀ ଦେଇଥିଲେ। ଏହ ସତ୍ତ୍ୱେ ନିରଞ୍ଜନ ସମୀରଙ୍କ ଚେତାବନୀକୁ ଗୁରୁତ୍ୱ ଦେଇ ନ ଥିଲେ। ଗତକାଲି ରାତିରେ ଏହାକୁ ନେଇ ଉଭୟଙ୍କ ମଧ୍ୟରେ ପୁଣି ଥରେ ପାଟିତୁଣ୍ଡ ହୋଇଥିଲା। ପରେ ନିରଞ୍ଜନ ଭେଜଙ୍ଗିଗୁଆ ଯାତ୍ରା ଦେଖିବାକୁ ଯାଉଥିବା ବେଳେ ଆଇଏମପିଭି -୩୮ ଗାଁ ନିକଟରେ ବୈରାଗୀ ପଛରୁ ଆସି ନିରଞ୍ଜନଙ୍କୁ ଛୁରିରେ ଭୁସି ହତ୍ୟା କରିଥିଲା। ପରେ ଘଟଣାସ୍ଥଳରୁ ସମୀର ଫରାର ହୋଇଯାଇଥିଲା। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ପଞ୍ଚନାମା କରି ବ୍ୟବଛେଦ ପାଇଁ ପଠାଇଛି।