ରାଇରଙ୍ଗପୁର: ଶୁକ୍ରବାର ସକାଳ ୮ଟା ପରେ ରାଇରଙ୍ଗପୁର କଲେଜ ଛକରେ ଥିବା ପେଟ୍ରୋଲ୍ ପମ୍ପ୍ ପାଖରେ ଏକ ଯାତ୍ରୀବାହୀ ବସ୍ ଓ ମଟର ସାଇକେଲ୍ ମଧ୍ୟରେ ଧକ୍କା ହେବା ଯୋଗୁଁ ଜଣେ ମହିଳାଙ୍କର ମୃତ୍ୟୁ ଘଟିବା ସହ ଅନ୍ୟ ଦୁଇ ଜଣ ଆହତ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଟାଟା ଓ କରଞ୍ଜିଅ ମଧ୍ୟରେ ଚଳାଚଳ କରୁଥିବା ଓଡି୦୯ଡି୮୯୫୬ ନମ୍ବରବିଶିଷ୍ଟ ବସ୍ଟି ତିନି ଜଣ ବସି ଯାଉଥିବା ବାଇକ୍କୁ ଧକ୍କା ଦେଇଥିଲା।
ଧକ୍କା ପ୍ରଭାବରେ ଘଟଣାସ୍ଥଳରେ ୫୫ ବର୍ଷୀୟ ପଚା ସୋରେନ୍ଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ୩୫ ବର୍ଷିୟ ବୁଧୁରାଇ ମାର୍ଣ୍ଡି ଓ ତାଙ୍କ ପତ୍ନୀ ୩୦ ବର୍ଷୀୟ ଡୁମୁଣି ମାର୍ଣ୍ଡି ଏଥିରେ ସାଙ୍ଘାତିକ ଆହତ ହୋଇଛନ୍ତି। ଏମାନେ କୁସୁମୀ ବ୍ଲକ୍ ଅନ୍ତର୍ଗତ ଡୁମୁରିଆ ଗାଁ’ର ବାସିନ୍ଦା।
ସେମାନଙ୍କୁ ୧୦୮ ଆମ୍ବୁଲାନ୍ସ୍ ଯୋଗେ ବାରିପଦାର ପଣ୍ଡିତ ରଘୁନାଥ ମୁର୍ମୁ ମେଡିକାଲ୍ କଲେଜ ଓ ହସ୍ପିଟାଲ୍କୁ ପଠାଇ ଦିଆଯାଇଛି। ସେମାନଙ୍କ ସ୍ୱାସ୍ଥ୍ୟାବସ୍ଥା ଏବେ ସାଙ୍ଘାତିକ ଥିବା କଥା କୁହାଯାଉଛି।
ରାଇରଙ୍ଗପୁର ଥାନା ପୁଲିସ ଦୁର୍ଘଟଣାରେ ସମ୍ପୃକ୍ତ ବସ୍ ଓ ମଟର ସାଇକେଲ୍କୁ ଜବତ କରିବା ସହ ଶବ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ପଠାଇଛି।