ନିଆଁରେ ପୋଡ଼ିଯିବାରୁ କଲୋଜ ଛାତ୍ରୀଙ୍କ ମୃତ୍ୟୁ
ଉଲୁଣ୍ଡା: ସୁବର୍ଣ୍ଣପୁର ଜିଲ୍ଲା ସୁବଳୟା ଥାନା ଅନ୍ତର୍ଗତ ସ୍ଥାନୀୟ ଖଦାଳପଡ଼ାରେ ଆଜି ଅପରାହ୍ନରେ ଜଣେ କଲେଜ ଛାତ୍ରୀଙ୍କ ନିଆଁରେ ପୋଡ଼ିଯିବାରୁ ମୃତ୍ୟୁ ହୋଇଛି । ମୃତକଙ୍କ ନାମ ଅନୁ ବେହେରା (୧୬ ବର୍ଷ) । ସେ ସ୍ଥାନୀୟ କଲେଜରେ ଯୁକ୍ତ ୨ ପଢୁଥିଲେ ଏବଂ ଗୌରଙ୍ଗା ବେହେରାଙ୍କ ଝିଅ । ସେ କିରାସିନି ଢ଼ାଳି ହୋଇ ନିଜ ଶରୀରରେ ନିଆଁ ଲଗାଇ ଦେଇଥିଲେ ବୋଲି ପରିବାର ପକ୍ଷରୁ ପୁଲିସକୁ ସୂଚନା ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୁବଳୟା ଥାନା ଅଧିକାରୀ ପ୍ରଦୀପ ପ୍ରଧାନ କହିଛନ୍ତି, ଅନୁ ବେହେରା ପାଞ୍ଚ ବର୍ଷ ହେବ ନିଜ ଦାଦା (କାକା) ହରି ବେହେରାଙ୍କ ଘରେ ରହି ପାଠ ପଢୁଥିଲେ । ହରି ବେହେରା ଆଜି ଟିଭି ଦେଖୁଥିବା ବେଳେ ଅନୁ ଅନ୍ୟ ଏକ କୋଠରିରେ ପାଠ ପଢୁଥିଲେ । ଏହି ସମୟରେ ଅନୁ ନିଜ ଶରୀରରେ କିରୋସିନି ଢାଳି ନିଆଁ ଲଗାଇ ଦେଇଥିବା ପରିବାର ଲୋକେ ଅଭିଯୋଗ କରିଛନ୍ତି ।
ଘରୁ ଧୂଆଁ ବାହାରିବାରୁ ପରିବାର ଲୋକେ କବାଟ ଭାଙ୍ଗି ଅନୁକୁ ଉଦ୍ଧାର କରିଥିଲେ । ତାଙ୍କୁ ଗୁରୁତର ଭାବେ ଉଦ୍ଧାର କରି ବୀରମହାରାଜପୁର ଉପଖଣ୍ଡ ଡାକ୍ତରଖାନା ନେଇଥିଲେ । ସେଠାରେ ଡାକ୍ତର ମୃତ ଘୋଷଣା କରିଥିଲେ । ଆଜି ସନ୍ଧ୍ୟା ହୋଇଯାଇଥିବାରୁ ଶବ ବ୍ୟବଚ୍ଛେଦ ହୋଇପାରି ନାହିଁ । ଆସନ୍ତାକାଲି ବ୍ୟବଚ୍ଛେଦ ହେବ ବୋଲି ଥାନା ଅଧିକାରୀ ଶ୍ରୀ ପ୍ରଧାନ ସୂଚନା ଦେଇଛନ୍ତି ।