ସମ୍ବଲପୁର: ପୂର୍ବ ଶତ୍ରୁତାକୁ କେନ୍ଦ୍ର କରି ରେଙ୍ଗାଲି ବଜାର ସମ୍ମୁଖରେ ଯୁବକଙ୍କୁ ହତ୍ୟା
ରେଙ୍ଗାଲି: ବଜାର ସମ୍ମୁଖରେ ଶହ ଶହ ଲୋକ ଯାତାୟତ କରୁଥିବା ସମୟରେ ମଙ୍ଗଳବାର ସନ୍ଧ୍ୟାରେ ଜଣେ ଯୁବକଙ୍କୁ ହତ୍ୟା କରି ଦୁର୍ବୃତ୍ତ ଘଟଣାସ୍ଥଳରୁ ଫେରାର ହୋଇଯାଇଛି। ସମ୍ବଲପୁର ଜିଲ୍ଲାର ରେଙ୍ଗାଲି ଥାନା ଅନ୍ତର୍ଗତ ଶ୍ୟାମ୍ ମେଟାଲିକ୍ କାରଖାନା ନିକଟରେ ଥିବା ବଜାର ସମ୍ମୁଖରେ ଆଜି ସନ୍ଧ୍ୟା ୭ଟା ୩୦ରେ ଏହି ହତ୍ୟାକାଣ୍ଡ ଘଟିଛି। ହତ୍ୟାକାଣ୍ଡ ପରେ ଉପସ୍ଥିତ ଜନତା ପୁଲିସକୁ ସୂଚନା ଦେଇଥିଲେ। ଘଟଣାସ୍ଥଳରେ ପୁଲିସ ପହଂଚି ଗୁରୁତର କପିଳ ସାହୁଙ୍କୁ ବୁର୍ଲା ମେଡିକାଲ ସ୍ଥାନାନ୍ତର କରିଥିଲା। ମାତ୍ର ହସ୍ପିଟାଲରେ ପହଂଚିବା ପରେ କପିଳଙ୍କୁ ଡାକ୍ତର ମୃତ ଘୋଷଣା କରିଥିଲେ।
Sambad is now on WhatsApp
Join and get latest news updates delivered to you via WhatsApp
ରିପୋର୍ଟ ଲେଖାଯିବା ବେଳକୁ ପୁଲିସ ଘଟଣାର ତଦନ୍ତ କରୁଛି। ଶ୍ୟାମ ମେଟାଲିକ୍ କାରଖାନା ନିକଟରେ ଥିବା ଏକ ଦୋକାନକୁ କପିଳ ସାହୁ କିଛି ଜିନିଷ କିଣିବାକୁ ଯାଇଥିଲେ। ଏହି ସମୟରେ ରେଙ୍ଗାଲି ଥାନା ଅନ୍ତର୍ଗତ ମାଉଳିନଗର ଗାଁର ଜୟରାମ ଓରାମ ଓ ଗୋପୀନାଥ ଓରାମ ହଠାତ୍ ଆକ୍ରମଣ କରି ଘଟଣାସ୍ଥଳରୁ ଫେରାର ହୋଇଯାଇଥିଲେ। ପରେ ସ୍ଥାନୀୟ ଲୋକଙ୍କଠାରୁ ସୂଚନା ପାଇଁ ପୁଲିସ ଘଟଣାସ୍ଥଳରୁ ଫେରାର ହୋଇଯାଇଛନ୍ତି ବୋଲି ସ୍ଥାନୀୟ ଆଇଆଇସି ସୂଚନା ଦେଇଛନ୍ତି।