ନବରଙ୍ଗପୁର: ସାନଭାଇ ଠାରୁ ଠେଙ୍ଗାମାଡ଼ ଖାଇ ଆହତ ଆହତ ହେବା ପରେ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଜଣେ ବଡ଼ଭାଇଙ୍କର ରବିବାର ମୃତ୍ୟୁ ଘଟିଛି।
Sambad is now on WhatsApp
Join and get latest news updates delivered to you via WhatsApp
ମୃତ ବ୍ୟକ୍ତିଜଣକ ହେଉଛନ୍ତି ଡାବୁଗାଁ ଥାନା ଅନ୍ତର୍ଗତ କେରଣ୍ଡି ଗ୍ରାମର ୬୦ ବର୍ଷିୟ ତୁଳାରାମ ମାଝୀ।
ଶୁକ୍ରବାର ଦିନ ତୁଳାରମଙ୍କ ସାନବାପା ପୁଅ ଭାଇ ୩୫ କୋନି ମାଝୀ ତାଙ୍କୁ ଠେଙ୍ଗାରେ ପିଟି ଆହତ କରିଥିଲେ।
ଗାଁ’ରେ ଗୋଟିଏ ପରିଧି ମଧ୍ୟରେ ରହୁଥିଲେ ବି ଉଭୟ ପରିବାର ମଧ୍ୟରେ ବିବାଦ ଲାଗି ରହିଥିଲା। କୌଣସି କାରଣରୁ ଶୁକ୍ରବାର ଦିବା ୧୧ଟା ବେଳେ ପୁଣି ଉଭୟ ପରିବାର ମଧ୍ୟରେ ପାଟିତୁଣ୍ଡ ଲାଗିବାରୁ କୋନି ଗୋଟାଏ ଠେଙ୍ଗାରେ ତୁଳାଙ୍କୁ ପିଟିବାରୁ ତାଙ୍କ କାନ ଓ ପାଟିରୁ ରକ୍ତ ବୋହିଥିଲା।
ଚିକିତ୍ସା ପାଇଁ ତୁଳାଙ୍କୁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ତାଙ୍କ ସ୍ୱାସ୍ଥ୍ୟାବସ୍ଥାରେ କୌଣସି ଉନ୍ନତି ନ ଆସିବାରୁ ତାଙ୍କୁ ଶନିବାର ଦିନ ସେଠାରୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା।
ସେଠାରେ ରବିବାର ତାଙ୍କର ଦେହାନ୍ତ ହୋଇଗଲା। ଏ ଘଟଣାରେ ଗ୍ରାମବାସୀମାନେ ଡାବୁଗାଁ ଥାନାରେ ଏଫ୍ଆଇଆର୍ ଦେବା ପରେ ପୁଲିସ କୋନିଙ୍କୁ ଗିରଫ କରିବା ସହ ଶବ ଜବତ କରିଛି।