ରାଉରକେଲା: ରାଉରକେଲା-ସୀମାନ୍ତ ଝାଡଖଣ୍ଡର ସୋନୁଆ ନିକଟ ଗୁଦୁଡି ଥାନାର କୁଟିପିରେ ରାସ୍ତା କାମକୁ ବିରୋଧ କରି ଏକ ଠିକା ସଂସ୍ଥାର ଗୋଟିଏ ଟ୍ରାକ୍ଟର ଓ ଜେସିବିକୁ ନକ୍ସଲମାନେ ଜାଳି ଦେଇଥିବା ଅଭିଯୋଗ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଗତବର୍ଷ ମଧ୍ୟ ରାସ୍ତା କାମରେ ନିୟୋଜିତ ଏହି ଠିକା ସଂସ୍ଥାର ଅନେକ ସଂଖ୍ୟାରେ ଗାଡିକୁ ମାଓବାଦୀମାନେ ପୋଡି ଦେଇଥିଲେ। ରବିବାର ରାତି ପାଖାପାଖି ୮ଟାରେ ଦୁଇଟି ମୋଟର ସାଇକେଲରେ ୬ ଜଣ ସଶସ୍ତ୍ର ଦୁର୍ବୃତ୍ତ ଆସି ତେଲ ମାଗିଥିଲେ । ଆଉ ଗାଡିଗୁଡିକରେ ତେଲ ଢାଳି ନିଆଁ ଲଗାଇ ଦେଇଥିଲେ।
ପୋଡାହାତ ଜଙ୍ଗଲର ଏହି ଅଞ୍ଚଳରେ ମାଓବାଦୀ ତଥା ପିଏଲଏଫଆଇ ସଙ୍ଗଠନ ସକ୍ରିୟ ହୋଇଥିବାବେଳେ କିଏ ନିଆଁ ଲଗେଇଛି ଏ ନେଇ ସ୍ପଷ୍ଟ ସୂଚନା ମିଳିପାରିନାହିଁ । ତେବେ ଘଟଣାସ୍ଥଳରେ କିଛି ପୋଷ୍ଟର ମିଳି ନଥିବାରୁ ଏହି କାଣ୍ଡ ନକ୍ସଲଙ୍କ ହୋଇଥିବା ସନ୍ଦେହ କରାଯାଉଛି । ତେବେ ଝାଡଖଣ୍ଡର ପୁଲିସ ଘଟଣାର ତଦନ୍ତ କରୁଛି।