ବିନିକା: ସୁବର୍ଣ୍ଣପୁର ଜିଲ୍ଲା ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ଅଭାବରୁ ବୃଦ୍ଧଙ୍କର ମୃତ୍ୟୁ ଅଭିଯୋଗ । ବିନିକା ବ୍ଲକ ଚୌକାମାଳ ଗାଁର ଲଳିତ ବିଶ୍ୱାଳ (୬୫) ଗତକାଲି ବିଳମ୍ବିତ ରାତିରେ ଅସୁସ୍ଥ ହୋଇଥିବାରୁ ତାଙ୍କୁ ଅଧିକ ଚିକିତ୍ସା କରିବା ପାଇଁ ଆଜି ସକାଳୁ ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ହେଲେ ଲଳିତଙ୍କୁ ଦୀର୍ଘ ଦିର୍ଘ ସମୟ ଧରି କୌଣସି ଡାକ୍ତର ଚିକିତ୍ସା କରି ନଥିଲେ । ଲଳିତଙ୍କୁ ଚିକିତ୍ସା କରିବା ପାଇଁ ତାଙ୍କପୁଅ ଡାକ୍ତରମାନଙ୍କୁ ଆକୁଳ ନିବେଦନ ମଧ୍ୟ କରିଥିବା କହିଛନ୍ତି । ଫଳରେ ଚିକିତ୍ସା ଅଭାବରୁ ତାଙ୍କର ମୃତ୍ୟୁ ହୋଇଥିବା ଲଳିତଙ୍କ ପୁଅ ବଳରାମ ବିଶ୍ବାଳ ଅଭିଯୋଗ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ହେଲେ ବାପାଙ୍କର ମୃତ୍ୟ ହୋଇଥିବା ଜାଣି ସେ ଦିର୍ଘ ସମୟଧରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଇଣ୍ଡୋର ଫାଟକକୁ ବନ୍ଦ କରିଦେଇଥିଲେ, ଯେଉଁଥି ପାଇଁ ଦିର୍ଘ ସମୟଧରି ରୋଗୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଥିଲେ । ଖବରପାଇଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ବିନିକା ପୁଲିସ ପହଂଚି ବୁଝାସୁଝା କରିବାରୁ ସେ ଫାଟକ ଖୋଲିଥିଲେ । ଏ ସମ୍ପର୍କରେ ବିନିକା ମେଡିକାଲ ସୁପରିଟେଣ୍ଡେଣ୍ଟଙ୍କୁ ଫୋନ୍ ଯୋଗେ ପଚାରିବାରୁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିବା ପୁର୍ବରୁ ତାର ରିସିଭ୍ ଡେଥ୍ ହୋଇଥିବା ସେ କହିଛନ୍ତି । ଏନେଇ ପୁଲିସ ଏକ ଅପମୃତ୍ୟୁ ମାମଲା ରୁଜୁକରି ଶବକୁ ଜବତ କରିବା ସହ ଅଧିକ ତଦନ୍ତ ଜାରି ରଖିଥିବା ଜଣାଯାଇଛି ।