ଯୁବକ ଆତ୍ମହତ୍ୟା ଘଟଣା : ପତ୍ନୀ ଓ ପ୍ରେମିକଙ୍କୁ ଗିରଫ କରି କୋର୍ଟଚାଲାଣ କଲା ପୁଲିସ
ପୁରୀ: ଆତ୍ମହତ୍ୟା ପୂର୍ବର ଫେସ୍ବୁକ୍ରେ ଭିଡିଓ ଅପଲୋଡ୍ କରି ଆତ୍ମହତ୍ୟା କରିଥିବା ସଦର ଥାନା ଗଡ଼ଭିଙ୍ଗୁରା ଗ୍ରାମର ଶାନ୍ତନୁ ପାତ୍ରଙ୍କ ସ୍ତ୍ରୀ ଓ ତାଙ୍କ ସ୍ତ୍ରୀଙ୍କ ପ୍ରେମିକକୁ ପୁଲିସ ଆଜି ଗିରଫ କରିଛି। ମୃତ ଶାନ୍ତନୁଙ୍କ ପରିବାର ପକ୍ଷରୁ ସଦର ଥାନାରେ ହୋଇଥିିବା ଅଭିଯୋଗ ଭିତ୍ତିରେ ପୁଲିସ ପତ୍ନୀ ଓ ଅଭିଯୁକ୍ତ ପ୍ରେମିକଙ୍କୁ ଦଫା ୨୯୪,୩୨୩,୩୦୬ ଓ ୩୪ ରେ ଗିରଫ କରିଛି। ସୋସିଆଲ ମିଡିଆରେ ଶେଷକଥା କହି ସ୍ୱାମୀ ଶାନ୍ତନୁ ଆତ୍ମହତ୍ୟା କରିବା ପରେ ପୁଲିସ ସ୍ତ୍ରୀ ଓ ତାଙ୍କ ପ୍ରେମିକ ଜଗତସିଂହପୁର ଅଞ୍ଚଳର ଅମରେଶ ସ୍ୱାଇଁଙ୍କୁ ଅଟକ ରଖି ୭ ଦିନ ଧରି ପଚରା ଉଚରା କରିବା ପରେ ଆଜି ଗିରଫ କରି କୋର୍ଟ ଚାଲାଣ କରିଛି।
Sambad is now on WhatsApp
Join and get latest news updates delivered to you via WhatsApp
ପୁରୀ ସଦର ଥାନା ଇନସପ୍ଟେର ଗୌରାଙ୍ଗ ପୃଷ୍ଟିଙ୍କ ଠାରୁ ପ୍ରକାଶ ଯେ, ଚଳିତ ବର୍ଷ ମାର୍ଚ୍ଚ ମାସରେ ବିବାହ ବନ୍ଧନରେ ବାନ୍ଧି ହୋଇଥିଲେ ଶାନ୍ତନୁ। କିନ୍ତୁ ବିବାହର ମାସ କେଇଟା ଭିତରେ ସ୍ତ୍ରୀଙ୍କର ଅନ୍ୟ ଯୁବକଙ୍କ ସହ ଅନୈତିକ ସମ୍ପର୍କ ଥିବା ସନ୍ଦେହ କରିଥିଲେ । ଯାହା ତାଙ୍କ ବୈବାହିକ ଜୀବନକୁ ଦୁର୍ବସହ କରି ଦେଇଥିଲା। ଯାହା ତାଙ୍କୁ ଆତ୍ମହତ୍ୟାର ପଥ ବାଛିବାକୁ ବାଧ୍ୟ କରିଥିଲା ବୋଲି ଶାନ୍ତନୁ ଆତ୍ମହତ୍ୟା କରିବା ଆଗରୁ ଫେସବୁକରେ ନିଜର ମନର କଥାକୁ ସେୟାର କରିଥିଲେ । ସ୍ତ୍ରୀଙ୍କ ଚରିତ୍ର ଉପରେ ସନ୍ଦେହ କରି ଆତ୍ମହତ୍ୟା କରିଥିବା କଥା କହିଥିଲେ। ସେତେବେଳେ ସେହି ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା ।
ମାତ୍ର ଯୁବକଙ୍କ ଆତ୍ମହତ୍ୟା ପରେ ପୁଲିସ ତାଙ୍କ ପତ୍ନୀଙ୍କୁ ଏ ସମ୍ପର୍କରେ ପଚରାଉଚରା ପାଇଁ ଥାନାକୁ ଡକାଇଥିଲା। ମୃତ ଶାନ୍ତନୁଙ୍କ ଅଭିଯୋଗକୁ ଖଣ୍ଡନ କରିଥିଲେ ପତ୍ନୀ ।ସେ କହିଥିଲେ ସଫ୍ଟୱେୟାର ଇଞ୍ଜିନିୟର କହି ତାଙ୍କୁ ଶାନ୍ତନୁ ବିବାହ କରିଥିଲେ। କିନ୍ତୁ ସେ ବେଙ୍ଗୁଲୁରରେ ସିକ୍ୟୁରିଟି ଗାର୍ଡ ଭାବେ କାର୍ଯ୍ୟ କରୁଥିଲେ। ଅପରପକ୍ଷେ ସ୍ୱାମୀ ଅଭିଯୋଗ କରୁଥିବା ଜଗତସିଂହପୁରର ଅମରେଶ ସ୍ୱାଇଁଙ୍କ ସହ ତାଙ୍କର କୌଣସି ସମ୍ପର୍କ ନାହିଁ ।
ସୂଚନାଯୋଗ୍ୟ ଯେ, ସ୍ତ୍ରୀ ଓ ଶ୍ୱଶୁର ଘର ଲାକଙ୍କୁ ନେଇ ମାନସିକ ଅଶାନ୍ତିରେ ଥିବା ପୁରୀ ଜିଲ୍ଲା ସଦର ଥାନା ଅନ୍ତର୍ଗତ ଗଡ଼ଭିଙ୍ଗୁରା ଗ୍ରାମର ଶାନ୍ତନୁ ପାତ୍ର ନାମକ ଜଣେ ଯୁବକ ଆତ୍ମହତ୍ୟା କରିବେ ବୋଲି ଗତ ୯ ତାରିଖ ଦିନ ସୋସିଆଲ ମିିଡିଆରେ ଭିଡିଓ ଛାଡ଼ିବାର ୯ ଘଣ୍ଟା ପରେ ତାଙ୍କ ମୃତଦେହ ଗାଁ ମୁଣ୍ଡରେ ଥିବା ଏକ ଗଛରୁ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଥିଲାି। ଖବର ପାଇ ସଦର ଥାନା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇଥିଲା।
ମିଳିଥିବା ସୂଚନା ଅନୁଯାୟୀ, ଗତ ୮ ତାରିଖ ରାତିରେ ଗଡ଼ଭିଙ୍ଗୁରା ଗ୍ରାମର ଶାନ୍ତନୁ ସୋସିଆଲ ମିଡିଆ ଫେସ୍ବୁକ୍ରେ ଏକ ଭିଡିଓ ଛାଡ଼ିଥିଲେ। ଏଥିରେ ସେ ତାଙ୍କ ସ୍ତ୍ରୀଙ୍କର ଅନ୍ୟ ଜଣେ ଯୁବକଙ୍କ ସହିତ ପ୍ରେମ ସମ୍ପର୍କ, ଏପରିକି ବିବାହ ପରେ ମଧ୍ୟ ସେ ସମ୍ପର୍କ ରଖିଥିବା ବେଳେ ତାଙ୍କ ଶ୍ୱଶୁର , ଶଳା ପ୍ରମୁଖ ତାଙ୍କୁ ହଇରାଣ କରିଥିବା ଅଭିଯୋଗ କରିଛନ୍ତି। ତାଙ୍କ ସ୍ତ୍ରୀ, ଶ୍ୱଶରୁର ଘର ଲୋକଙ୍କ ପାଇଁ ତାଙ୍କ ଜୀବନ ଦୁର୍ବିସହ ହୋଇପଡ଼ିଥିବା ଦର୍ଶାଇ ସେ ଆତ୍ମହତ୍ୟା ବ୍ୟତୀତ ବିକଳ୍ପ ନାଙ୍କ ପାଖରେ ନାହିଁ ବୋଲି ଗତ୮ ତାରିଖ ରାତିରେ ଭିଡିଓ ଅପଲୋଡ୍ କରିଥିଲେ।।
ଏହି ମାମଲାର ତଦନ୍ତ କରି ପୁଲିସ ମୃତ ଶାନ୍ତନୁଙ୍କ ସ୍ତ୍ରାୀ ଓ ଅଭିଯୁକ୍ତ ପ୍ରେମିକ ଅମରେଶଙ୍କ ମୋବାଇଲ ଫୋନ୍ର କଲ୍ ଡିଟେଲ୍ସ କାଢ଼ିଥିଲେ। ଏଥିରୁ ଜଣାପଡ଼ିଥିଲା ଯେ ବିବାହ ପରେ ଉଭୟ ଶାନ୍ତନୁଙ୍କ ପତ୍ନୀ ଓ ତାଙ୍କ ପ୍ରେମିକ ଅମରେଶ ବିଳମ୍ବିତ ରାତି ପର୍ଯ୍ୟନ୍ତ ମୋବାଇଲ ଫୋନ୍ରେ କଥାବାର୍ତ୍ତା ହୋଇଛନ୍ତି।। ଏତଦ୍ବ୍ୟତୀତ ପୁଲିସକୁ ମଧ୍ୟ ଆହୁରି କିଛି ତଥ୍ୟ ପ୍ରମାଣ ମିଳିଛି। ଏହି ତଥ୍ୟପ୍ରମାଣ ଆଧାରରେ ପୁଲିସ ଉଭୟଙ୍କୁ ଗିରଫ କରି କୋର୍ଟ ଚାଲାଣ କରିଛି ବୋଲି ଇନସପ୍ଟେର ଶ୍ରୀ ପୃଷ୍ଟି କହିଛନ୍ତି।