ଅଧ୍ୟାପକ ବନିଥିଲେ ବୋମାପ୍ରସ୍ତୁତକାରୀ : ପାଟଣାଗଡ ପାର୍ସଲ ବୋମା ବିସ୍ଫୋରଣ ଘଟଣାର ମାଷ୍ଟରମାଇଣ୍ଡ ପୁଞ୍ଜିଲାଲ ନିଜେ ହିଁ ବୋମା ତିଆରି କରିଥିଲେ
ବଲାଙ୍ଗୀର: ଖୋଲିଲା ପାଟଣାଗଡ ପାର୍ସଲ ବୋମା ବିସ୍ଫୋରଣର ଗୁମର। ଏହି ଘଟଣାର ମାଷ୍ଟରମାଇଣ୍ଡ ଅଧ୍ୟାପକ ପୁଞ୍ଜିଲାଲ ମେହେର ନିଜେ ବୋମା ତିଆରି କରି ରାୟପୁରରୁ ପାଟଣାଗଡ ପାର୍ସଲ କରିଥିଲେ । ଅଭିଯୁକ୍ତ ପୁଞ୍ଜିଲାଲ ମେହେରଙ୍କୁ ପୁଲିସ ଗିରଫ କରିଥିବା ନେଇ ଡିଜିପି ଆର ପି ଶର୍ମା ସ୍ପଷ୍ଟ କରିଛନ୍ତି । ଏହି ମାମଲାରେ ଅଟକ ଚନ୍ଦ୍ରମଣି ମେହେର, ଦିଲ୍ଲୀପ ଦାସ, ସୁଶାନ୍ତ ସେଠ୍,ଶିବପ୍ରସାଦ ସା, ଉମେଶ ମଟାରୀ ଓ ବୈଭସୂତ ବିନ୍ଧାଣୀଙ୍କୁ କ୍ରାଇମବ୍ରାଞ୍ଚ ଛାଡିଦେଇଛି । ଡିଜିପି ି ଶର୍ମା ଏକ ସାମ୍ବାଦିକ ସମ୍ମିଳନୀ କରି ଏହି ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ବୃତ୍ତିଗତ ଶତ୍ରୁତା କାରଣରୁ ପୁଞ୍ଜିଲାଲ ଏପରି ଷଡଯନ୍ତ୍ର ରଚିଥିବା ଡିଜିପି କହିଛନ୍ତି । ମୃତ ସୌମ୍ୟଶେଖରଙ୍କ ମାଆ ଭଇଁସା କଲେଜର ଅଧ୍ୟକ୍ଷ ଅଛନ୍ତି । ପୁଲିସର କହିବା ଅନୁସାରେ ସେହି କଲେଜକୁ ସୌମ୍ୟଶେଖରଙ୍କ ମାଆ, ଅଧ୍ୟକ୍ଷା ହୋଇ ଆସିବା ପରେ, ପୂର୍ବରୁ ଅଧ୍ୟକ୍ଷ ଥିବା ପୁଞ୍ଜିଲାଲ୍ଙ୍କ ସହ ବିବାଦ ଦେଖାଦେଇଥିଲା । ଏହି ବିବାଦ ଶେଷରେ ଏପରି ଭୟଙ୍କର ରୂପ ନେଇଥିଲା। ଅଧ୍ୟାପକଙ୍କ ଘରୁ ପୁଲିସ ଅଧ ବ୍ୟାଗ୍ ବାରୁଦ ଜବତ ପରେ ପୁଞ୍ଚିଲାଲଙ୍କୁ ନେଇ ପଚରାଉଚରା କରିଥିଲା କ୍ରାଇମବ୍ରାଞ୍ଚ।
ସୂଚନାଯାଗ୍ୟ, ଗତ ଫେବ୍ରୁଆରି ମାସ ୨୩ ତାରିଖରେ ଅଧାପକ ରବୀନ୍ଦ୍ର ସାହୁ ଓ ଭଇଁଷା ମହାବିଦ୍ୟାଳୟର ଅଧ୍ୟକ୍ଷା ସଞ୍ଜୁୁକ୍ତା ସାହୁଙ୍କ ପୁଅ ସୌମ୍ୟଶେଖରଙ୍କ ବିବାହର ୫ ଦିନ ପରେ ଘରକୁ ଏକ ପାର୍ସଲ ଆସିଥିଲା। ଏହି ଗିଫ୍ଟ ପାର୍ସଲକୁ ଖୋଲିଲା ବେଳେ ଏହା ବିସ୍ଫୋରଣ ଘଟି ସୌମ୍ୟଶେଖର ଓ ତାଙ୍କ ଜେଜେ ମା’ଙ୍କର ମୃତ୍ୟୁ ଘଟିଥିବା ବେଳେ ନବବଧୂ ରୀମା ଗୁରୁତର ଭାବେ ଆହତ ହୋଇଥିଲେ। ଏବେ ସେ ସୁସ୍ଥ ହୋଇ ଘରକୁ ଫେରିଛନ୍ତି।