କାକଟପୁର: ରାସ୍ତାକଡ଼ରେ ଛିଡା ହୋଇଥିବା ଜଣେ ଯୁବକଙ୍କୁ ମାଡ଼ ମାରିବା ପ୍ରତିବାଦରେ କାକଟପୁର ଥାନା ଅନ୍ତର୍ଗତ ଦହିଖିଆ ଗାଁ ଲୋକେ ବୁଧବାର ରାତି ଟାୟାର ଜାଳି ରାସ୍ତାରୋକ କରିଛନ୍ତି। ମିଳିଥିବା ସୂଚନା ଅନୁସାରେ ପୁରୀ ଜିଲ୍ଲା କାକଟପୁର-ଅସ୍ତରଙ୍ଗ ରାସ୍ତାର ଦହିଖିଆ ଗାଁରେ ଯୁବକ ଚନ୍ଦନ ସ୍ୱାଇଁ ରାତି ୯ଟା ୩୦ରେ ଛିଡ଼ା ହୋଇଥିଲେ। କିଛି ନ ପଚାରି ପୁଲିସ କର୍ମଚାରୀମାନେ ଯୁବକଙ୍କୁ ଅଚାନକ ପିଟିଥିଲେ। ଏହି ଘଟଣାକୁ ଯୁବକଙ୍କ ମା’ ପ୍ରତିବାଦ କରିବାରୁ ପୁଲିସ ର୍ଦୁବ୍ୟବହାର କରିଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଯୁବକ ଜଣକ ରାସ୍ତା କଡ଼ରେ ଛିଡ଼ା ହୋଇଥିବା ବେଳେ ପେଟ୍ରୋଲିଂରେ ଥିବା ପ୍ରାୟ ୮ ଜଣ ପୁଲିସ ପହଞ୍ଚି ଥିଲେ। କିଛି ନପଚାରି ପୁଲିସ ଯୁବକଙ୍କୁ ପିଟିଥିଲା। ରିପୋର୍ଟ ଲେଖାଯିବା ବେଳକୁ ଘଟଣା ପ୍ରକୃତ କାରଣ ଜଣାପଡ଼ି ନାହିଁ। ଅନ୍ୟପକ୍ଷରେ ପୁଲିସର ଏଭଳି କାଣ୍ଡ ଯୋଗୁଁ ଗାଁଲୋକ ଟାୟାର ଜାଳି ରାସ୍ତା ଅବରୋଧ କରିଛନ୍ତି।