ଢେଙ୍କାନାଳ: ଢେଙ୍କାନାଳ ସହରର ୧୩ ନମ୍ବର ଓ ୧୪ ନମ୍ବର ଓ୍ଵାର୍ଡରେ ଉତ୍କଟ ଜଳସଙ୍କଟ ଦେଖାଦେଇଥିିବା ବେଳେ ଆଜି ମହିଳାମାନେ ପାଣି ପାଇଁ ରାସ୍ତାରୋକ କରିଛନ୍ତି।
ଢେଙ୍କାନାଳରେ ଦେଖା ଦେଇଛି ଉତ୍କଳ ଜଳସଙ୍କଟ। ସହରର ୧୩ ନମ୍ବର ଓ ୧୪ ନମ୍ବର ଓ୍ଵାର୍ଡରେ ଥିବା କୁଅ ପୋଖରି ଶୁଖିଯାଇଥିିବା ବେଳେ ପିଇବା ପାଣି ଟୋପାଏ ପାଇଁ ଲୋକେ ଡହଳବିକଳ ହେଉଛନ୍ତି। ମାତ୍ର ଲୋକଙ୍କ ବଞ୍ଚିବାରଏହି ମୌଳିକ ଦାବି ପୂରଣ ପାଇଁ ପ୍ରଶାସନ ପକ୍ଷରୁ କଣସି ପଦକ୍ଷେପ ନିଆଯାଉ ନାହିଁ। ଏହାର ପ୍ରତିବାଦରେ ଆଜି ୧୩ ନମ୍ବର ଓ ୧୪ ନମ୍ବର ଓ୍ଵାର୍ଡର ମହିଳାମାନେ ଘରୁ ଗରା, ବାଲ୍ତି ମାଠିଆ ଆାଣି ରାସ୍ତା ଅବରୋଧ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ମହିଳାମାନେ ବାଜି ରାଉତ ଛକ ପାଖରେ ରାସ୍ତା ଉପରେ ଗରା, ବାଠିଆ, ବାଲତି ଥୋଇ ଆନ୍ଦୋଳନ ଚଳାଇଛନ୍ତି। ଫଳରେ ଢେଙ୍କାନାଳ ସହର ଦେଇ ବସ ଚଳାଚଳ ଓ ଗାଡ଼ିମୋଟର ଚଳାଚଳ ବନ୍ଦ ରହିଛି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଆନ୍ଦୋଳନରତ ମହିଳାମାନଙ୍କୁ ବୁଝାଶୁଖା କରୁଛି।