ସୁରତ ଗାଡ଼ିର ମନମାନି: ଯୁବକଙ୍କୁ ମଧ୍ୟରାତିରେ ରାସ୍ତାରେ ଓହ୍ଲାଇଲା, ଚାଲି ଚାଲି ଗାଁରେ ପଶିଲେ
ଶେରଗଡ଼: ଗଞ୍ଜାମ ଜିଲ୍ଲାରେ ସୁରତ ଫେରନ୍ତାଙ୍କ ଯୋଗୁଁ କରୋନା ବ୍ୟାପୁଥିବାକୁ ନେଇ ଆତଙ୍କ ଆରମ୍ଭ ହୋଇଥିବା ବେଳେ ସୁରତରୁ ଯାତ୍ରୀ ଧରି ଆସୁଥିବା ମନମାନି ଯୋଗୁଁ କରୋନା ବଢିବା ପରିସ୍ଥିତି ଏଡାଇ ହେଉନି ରାସ୍ତା ସାରା ଯାତ୍ରୀଙ୍କୁ ଓହ୍ଲାଇଲା ଥିବା ଦେଖାଦେଇଛି । ଗତ ରାତିରେ ଗଞ୍ଜାମକୁ ଆସିଥିବା ଏକ ବସ ରାତି ପ୍ରାୟ ଏକ ଘଣ୍ଟ ସମୟରେ ଶେରଗଡ଼ ଅଞ୍ଚଳର ପାଖାପାଖି ୨୦ ଜଣ ଯୁବକଙ୍କୁ ଢଉଗାଁ ଛକରେ ଜୋର ଜବରଦସ୍ତ ଓଲାଇ ଦେଇଥିଲା । ସବୁ ଯୁବକ ରାତିରେ ଚାଲି ଚାଲି ଶେରଗଡ଼ ଆସି ଗ୍ରାମ ପଞ୍ଚାୟତ କାର୍ଯ୍ୟାଳୟକୁ ଆସି ରହି ଯାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଏପରି ରାତିରେ ବୁଲିବା ସହ ପାଖରେ ଥିବା ନଳକୂଅରେ ଗାଧେଇଥିଲେ ମଧ୍ୟ ସକାଳୁ ସ୍ଥାନୀୟ ଲୋକ ଏହା ଦେଖିବା ପରେ ଭୟର ବାତାବରଣ ସୃଷ୍ଟି କରିଥିଲା । ପାଞ୍ଚ ଛଅ ଘଣ୍ଟା ଧରି ବ୍ଲକ ହେଡ଼କ୍ଵାଟରରେ ସୁରତ ଫେରନ୍ତା ବସି ରହିଥିଲେ ମଧ୍ୟ ପ୍ରଶାସନର ପଦକ୍ଷେପ ଶୂନକୁ ନେଇ ଅସନ୍ତୋଷ ପ୍ରକାଶ କରିଥିଲେ । ସ୍ଥାନୀୟ ଜନତା ପରେ ଶେରଗଡ଼ ସରପଞ୍ଚ ବିଡ଼ିଓଙ୍କ ଦୃଷ୍ଟି ଆକର୍ଷଣ ପରେ ସମସ୍ତଙ୍କୁ ସଙ୍ଗରୋଧ ଗୃହକୁ ନେଇଥିଲେ । ଏଥି ସହ ଗ୍ରାମ ପଞ୍ଚାୟତ କାର୍ଯ୍ୟାଳୟକୁ ବିଶୋଧିତ କରା ଯାଇଥିଲା ।