ଝାରସୁଗୁଡ଼ା: ତ୍ରିକୋଣୀୟ ପ୍ରେମ ସମ୍ପର୍କରୁ ଜଣେ ଯୁବକଙ୍କୁ ଗୁଳି କରି ହତ୍ୟା କରିବା ଅଭିଯୋଗରେ ଝାରସୁଗୁଡ଼ା ଜିଲ୍ଲା ଦୌରା ଜଜ୍ ଗୋପାଳ ଚନ୍ଦ୍ର ପଟ୍ଟନାୟକ ୩ ଜଣ ଅଭିଯୁକ୍ତଙ୍କୁ ଆଜୀବନ କରାଦଣ୍ଡ ଓ ୨୫ ହଜାର ଟଙ୍କା ଲେଖାଏଁ ଜରିମାନାରେ ଦଣ୍ଡିତ କରିଛନ୍ତି। ଜରିମାନ ଅନାଦେୟ ଆହୁରି୧୫ ମାସ ଅତିରିକ୍ତ ଜେଲ ଦଣ୍ଡରେ ଦଣ୍ଡିତ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ଝାରସୁଗୁଡ଼ା ଜିଲ୍ଲା ବ୍ରଜରାଜନଗର ଥାନା ଓପିଏମ ଛକରେ ରହୁଥିବା ବିଜୟ ସିଂହ ନାମକ ଜଣେ ଯୁବକଙ ଓ ସେହି ଅଞ୍ଚଳର ଫୁଲେନା ନାମ୍ନୀ ଜଣେ ଯୁବତୀ ପରସ୍ପରକୁ ଭଲ ପାଉଥିଲେ। ତେବେ ଫୁଲେନାଙ୍କୁ ଏକପାଖିଆ ଭାବେ ଦିନେଶ ମହାତୋ ଭଲ ପାଉଥିଲେ। ତେଣୁ ବିଜୟ ଓ ଫୁଲେନାଙ୍କ ମିଳାମିଶକୁ ସହ୍ୟ କରି ପାରୁ ନ ଥିଲେ ଦିନେଶ। ବିଜୟଙ୍କୁ ଙ୍କୁ ରାସ୍ତାରୁ ହଟାଇ ଦେଲେ ଫୁଲେନା ତାଙ୍କର ହେବ ବୋଲି ଭାବି ବିଜୟଭ୍କୁ ହତୃା କରିବା ପାଇଁ ଚକ୍ରାନ୍ତ କରିଥିଲେ ଦିନେଶ। ୨୦୧୨ ମସିହା ନଭେମ୍ବର ମାସ ୨୮ ତାରିଖ ଦିନ ବିଜୟ ଓ ଫୁଲେନା କଥା ଦେଉଥିବା ବେଳେ ଦିନେଶ ତାର ସହଯୋଗୀ ଚନ୍ଦ୍ରମୋହନ ସିଂହ, ରାମଜୀ ଓରଫ ଶୈଳେଶ ପ୍ରସାଦ ଓ ସୁରଜ ଶ୍ରୀବାସ୍ତବ ସହିତ ଆସି ସେଠାରେ ପହଞ୍ଚିଥିଲେ। ତେବେ ଫୁଲେନାଙ୍କ ବାରମ୍ବାର ମନା କରିବା ସତ୍ତ୍ୱେ ଦୀନେଶଙ୍କ ସହଯୋଗୀମାନେ ବିଜୟଙ୍କୁ ଟାଣି ଆଣି ତଳେ ପକାଇ ଦେଇଥିଲେ ଓ ଦୀନେଶ ଏକ ପିସ୍ତଲରେ ତାଙ୍କ ମୁଣ୍ଡକୁ ଗୁଳି କରି ହତ୍ୟା କରିଥିଲେ। ଏ ସଂକ୍ରାନ୍ତରେ ଫୁଲେନା ମୃତ ବିଜୟଙ୍କ ବାପାଙ୍କୁ କହିବାରୁ ସ ବ୍ରଜରାଜନଗର ଥାନାରେ ଏତଲା ଦେଇଥିଲେ। ପୁଲିସ ସମସ୍ତ ଅଭିଯୁକ୍ତଙ୍କୁ ଗିରାଫ କରିବା ସହିତ ସେମାନଙ୍କ ଠାରୁ ହତ୍ୟାକାଣ୍ଡରେ ବ୍ୟବହୃତ ପିସ୍ତଲ ଜବତ କରିଥିଲା। ତେବେ ବିଚାରାଧୀନ ବନ୍ଦୀ ଭାବେ ଜେଲରେ ଥିବାବୋଳ ସୁରଜ ଶ୍ରୀବାସ୍ତବଙ୍କର ଗତ ୨୦୧୭ ମସିହା ଜୁଲଇ ୫ ତାରିଖ ଦିନ ମୃତ୍ୟୁ ଘଟିଥିଲାା। ଏହି ମାମଲାରେ ଫୁଲନା ପ୍ରତ୍ୟେକ୍ଷଦର୍ଶୀ ଓ ମୁଖ୍ୟ ସାକ୍ଷୀ ଥିଲେ। ଫୁଲେନାଙ୍କ ସହିତ ମୋଟ ୨୩ ଜଣ ସାକ୍ଷୀଙ୍କ ସାକ୍ଷ୍ୟ ପ୍ରମାଣକୁ ଭିତ୍ତି କରି ମାନ୍ୟବର କୋର୍ଟ ଅଭିଯୁକ୍ତମାନଙ୍କୁ ଆଜୀବନ କରାଦଣ୍ଡରେ ଦଣ୍ଡିତ କରିଛନ୍ତି। ସରକାରଙ୍କ ପକ୍ଷରୁ ଆଇନଜୀବୀ ବେଣୁଲାଲ ପ୍ରଧାନ ମାମଲା ପରିଚାଳନା କରୁଥିଲେ।