ବେଆଇନ ଚାନ୍ଦା ଆଦାୟ ଅଭିଯୋଗରେ ୩ ନକଲି ମାଓବାଦୀ ଗିରଫ, ଦେଶୀ ବନ୍ଧୁକ-ମାଓ ବ୍ୟାନର ଜବତ
କୋରାପୁଟ: ମାଓ ପରିଚୟ ଦେଇ ବେଆଇନ ଭାବେ ଚାନ୍ଦା ଆଦାୟ କରୁଥିବା ଅଭିଯୋଗରେ ୩ ଜଣ ନକଲି ମାଓବାଦୀ ଗିରଫ ହୋଇଥିବା ସୂଚନା ମିଳିଛି। କୋରାପୁଟ ପୁଲିସ ସଂପୃକ୍ତ ୩ ଜଣ ନକଲି ମାଓବାଦୀଙ୍କୁ ଗିରଫ କରିଥିବା ବେଳେ ଅନ୍ୟ ଜଣେ ନକଲି ମାଓବାଦୀ ଫେରାର ଅଛି। ପୁଲିସ ଗିରଫ ନକଲି ମାଓବାଦୀଙ୍କ ଠାରୁ ଦେଶୀ ବନ୍ଧୁକ, ମାଓ ବ୍ୟାନର ଓ ପୋଷାକ ଜବତ କରିଛି। ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ଅନୁସାରେ ଗିରଫ ନକଲି ମାଓବାଦୀମାନେ ସେମିଳିିଗୁଡ଼ା ଓ ନାରାୟଣପାଟଣା ବ୍ଲକ ଅଞ୍ଚଳର ହୋଇଥିବା ଅନୁମାନ କରାଯାଉଛି।
Sambad is now on WhatsApp
Join and get latest news updates delivered to you via WhatsApp
ପୁଲିସକୁ ମିଳିଥିବା ସୂଚନା ଅନୁସାରେ ନକଲି ମାଓବାଦୀମାନେ ସ୍ଥାନୀୟ ଅଞ୍ଚଳରେ ଦୀର୍ଘ ୨ ବର୍ଷ ଧରି ସରପଞ୍ଚ ଓ ସମିତି ସଭ୍ୟଙ୍କଠାରୁ ବଳପୂର୍ବକ ଚାନ୍ଦା ଆଦାୟ କରୁଥିଲେ। ସେମାନେ ସ୍ଥାନୀୟ ଅଞ୍ଚଳର ନେତାଙ୍କୁ ଭୟଭୀତ କରାଉଥିଲେ। ଏବାବଦରେ ନିକଟରେ ଶାସକ ଦଳର ୪ ଜଣ ନେତା ଥାନାରେ ଅଭିଯୋଗ କରିଥିଲେ। ଫଳରେ ଘଟଣା ପଦାକୁ ଆସିଥିଲା। ଏହା ପରେ ପୁଲିସ କାର୍ଯ୍ୟାନୁଷ୍ଠାନ ନେଇଛି।