ଗଞ୍ଜାମ: ଧାନମଣ୍ଡିରେ ବୃଦ୍ଧଙ୍କୁ ତଳେ ପକାଇ ନିସ୍ତୁକ ମାଡ ମାରିଲେ ସରପଞ୍ଚ, ଘଟଣା ପ୍ରଘଟ ହେବା ପରେ ଫେରାର ହୋଇଯାଇଛନ୍ତି:ଭିଡିଓ ଦେଖନ୍ତ
ଗଞ୍ଜାମ: ଗଞ୍ଜାମ ଜିଲ୍ଲା ଖଲିକୋଟ ଥାନା ଅନ୍ତର୍ଗତ ବାଗଲପୁର ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ଗାଁରେ ଖୋଲିଥିବା ଧାନମଣ୍ଡିରେ ଧାନ ବିକ୍ରି କରିବା ପାଇଁ ଚାଷୀମାନେ ଆସିଥିଲେ । ଚାଷୀଙ୍କ ଧାନ ବିକ୍ରି ପାଇଁ ମଣ୍ଡି ଖୋଲିଥିବା ବେଳେ ସ୍ଥାନୀୟ ସରପଞ୍ଚ ସୁଲୁ ସ୍ୱାଇଁ ମଣ୍ଡିରେ ପହଞ୍ଚି ତାଙ୍କ ଧାନ ବିକ୍ରି ପାଇଁ ଅଡି ବସିଥିଲେ । ଏହି ସମୟରେ ସମବାୟ ସମିତିର କିଛି ଅଧିକାରୀ ଓ ସରପଞ୍ଚଙ୍କ ମଧ୍ୟରେ ପାଟି ତୁଣ୍ଡ ହୋଇଥିଲା । ଏଥିରେ ସରପଞ୍ଚ ଉତ୍ୟକ୍ତ ହୋଇଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ନିଜ ରାଗକୁ ଆୟତ୍ତ କରି ନପାରି ଜଣେ ବୟସ୍କ ବ୍ୟକ୍ତିଙ୍କୁ ତଳେ ପକାଇ ନିସ୍ତୁକ ମାଡ ମାରିଥିଲେ। ଆଉ ସେହି ଭିଡିଓ ଏବେ ଭାଇରାଲ ହେବାରେ ଲାଗିଛି । ତେବେ ସୁଲୁଙ୍କ ଆକ୍ରମଣରେ ୬ ଜଣ ସମବାୟ ସମିତି ସଦସ୍ୟ ମଧ୍ୟ ଆହତ ହୋଇଛନ୍ତି । ଏନେଇ ଖଲିକୋଟ ଥାନାରେ ଅଭିଯୋଗ ହୋଇଥିବା ବେଳେ ସଂପୃକ୍ତ ସରପଞ୍ଚ ଗାଁ ଛାଡି କୁଆଡେ ପଳାଇ ଯାଇଥିବା ଜଣାପଡିଛି ।