ହରଭଙ୍ଗା: ଗାଧୋଇବାକୁ ଯାଇଥିବା ଜଣେ ନାବାଳିକାକୁ ଗଣଦୁଷ୍କର୍ମ କରିବା ଅଭିଯୋଗରେ ପୁଲିସ ୨ ଜଣ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡ଼ିଛି। ଗିରଫ ଅଭିଯୁକ୍ତମାନେ ହେଲେ ଅଲେଖ ଦିଗାଲ ଓ ସନ୍ତୋଷ ପ୍ରଧାନ। ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଅନ୍ତର୍ଗତ ମହାଲିକପଡା ପଞ୍ଚାୟତରେ ଏହି ଘଟଣା ଘଟିଥିବା ପୁଲିସ କହିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ନାଳକୁ ଗାଧୋଇବାକୁ ଯାଇଥିବା ଜଣେ ୧୭ବର୍ଷର ନାବଳିକାକୁ ଏକୁଟିଆ ପାଇ ୨ଜଣ ଯୁବକ ବଳପୂର୍ବକ ଦୁଷ୍କର୍ମ କରିଥିଲେ। ଏ ନେଇ ନାବାଳିକା ପରିବାର ଲୋକଙ୍କୁ ଘଟଣା ସଂପର୍କରେ କହିବା ପରେ ହରଭଙ୍ଗା ଥାନାରେ ଅଭିଯୋଗ ହୋଇଥିଲା। ପୁଲିସ ମାମଲା ରୁଜୁ କରି ବୁଧବାର ରାତି ଭାପୁର ଗ୍ରାମର ଅଲେଖ ଦିଗାଲ ଓ ହାତିଗଡ଼ ଗ୍ରାମରୁ ସନ୍ତୋଷ ପ୍ରଧାନ ନାମକ ଦୁଇ ଜଣ ଅଭିଯୁକ୍ତ ଗିରଫ କରିଥିଲା। ପୁଲିସ ପୀଡ଼ିତାଙ୍କୁ ଡାକ୍ତରୀ ମାଇନା କରିବାକୁ ବୌଦ୍ଧ ମୂଖ୍ୟ ଡାକ୍ତରଖାନାକୁ ପଠାଇଥିବା ଜଣାପଡିଛି।
ଅଭିଯୋଗ ଅନୁସାରେ ଗତ ୫ ତାରିଖ ଦିନ ପୀଡ଼ିତା ସବୁଦିନ ଭଳି ସକାଳ ପ୍ରାୟ ୯ଟା ସମୟରେ ନାଳକୁ ଗାଧୋଇବାକୁ ଯାଇଥିଲେ। ସେ ମୁହଁରେ ସାବୁନ ଲଗାଇଥିବା ସମୟରେ ନିରୋଳାର ସୁଯୋଗ ନେଇ ଅଲେଖ ଓ ସନ୍ତୋଷ ମୁହଁରେ ଗାମୁଛା ବାନ୍ଧି ନାଳରୁ ପ୍ରାୟ ୧କିମି ଦୂରକୁ ଟେକିନେଇ ଏକ ନିଛାଟିଆ ସ୍ଥାନରେ ଜଣକ ପରେ ଜଣେ ବଳପୂର୍ବକ ଗଣଦୁଷ୍କର୍ମ କରିଥିଲେ। ପରେ ଅଭିଯୁକ୍ତ ଦୁହେଁ ନାବାଳିକାଙ୍କ ଗାଲରେ ଚାପୁଡ଼ା ମାରି ଏ କଥା ଯଦି କାହାକୁ କହିବୁ ତୋତେ ଓ ତୋର ପରିବାରକୁ ଜୀବନରେ ମାରି ଦେବୁ ବୋଲି ଧମକ ଦେଇ ଘଟଣାସ୍ଥଳରୁ ଫେରାର ହୋଇ ଯାଇଥିଲେ।