ମାଲକାନଗିରି: ଦୁର୍ଘଟଣାରେ ୨ ବାଇକ ଆରୋହୀଙ୍କର ମୃତ୍ୟୁ, ଉତ୍ତ୍ୟକ୍ତ ଲୋକେ ଜାଳିଦେଲେ ବଲେରୋ

ମାଲକାନଗିରି: ଜିଲ୍ଲା ସଦର ମହକୁମା ମାଲକାନଗିରି ଠାରୁ କାଲିମେଳା ରାସ୍ତାର ପଟେରୁ ନିକଟରେ ସୋମବାର ଅପରାହ୍ଣରେ ବଲେରୋ ଓ ବାଇକ ମଧ୍ୟରେ ମୁହାଁମୁହଁ ଧକ୍କା ହୋଇଛି। ଏହି ଦୁର୍ଘଟଣାରେ ୨ ଜଣ ବାଇକ ଆରୋହୀଙ୍କ ମୃତ୍ୟୁ ହୋଇଛି। ଘଟଣା ପରେ ସ୍ଥାନୀୟ ଲୋକେ ଉତ୍ତେଜିତ ହୋଇ ବଲେରୋରେ ନିଆଁ ଲଗାଇ ଦେଇଥିବା ଜଣାପଡ଼ିଛି।

ରିପୋର୍ଟ ଲେଖାଯିବା ବେଳକୁ ସ୍ଥାନୀୟ ଲୋକେ ବଦଲୀ ଛକରେ ମାଲକାନଗିରି-କାଲିମେଳା ରାସ୍ତା ଅବରୋଧ କରିଛନ୍ତି। ସେମାନେ କ୍ଷତିପୂରଣ ଡ୍ରାଇଭରକୁ ଗିରଫ ଦାବି କରିଛନ୍ତି। ସୂଚନା ପାଇ ପୁଲିସ ଘଟଣାସ୍ଥଳକୁ ପହଂଚି ପରିସ୍ଥିତିକୁ ନିୟନ୍ତ୍ରଣରେ ଆଣିବା ପାଇଁ ଉଦ୍ୟମ କରୁଛି।

ରିପୋର୍ଟ ଅନୁସାର ମାନସ ଦାସ ଏବଂ ସାମଲ ସେନ ନାମରେ ୨ ଜଣ ଯୁବକ ଆଜି ଅପରାହ୍ଣରେ ମାଲକାନଗିରିରୁ କାଲିମେଳା ଅଭିମୁଖେ ବାଇକରେ ଯାଉଥିଲେ। ପଟେରୁ ନିକଟରେ ବିପରୀତ ଦିଗରୁ ଦ୍ରୁତ ଗତିରେ ଆସୁଥିବା ବଲେରୋ ବାଇକ ଆରେହୀ ୨ ଯୁବକଙ୍କୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ହିଁ ୨ ଜଣଙ୍କର ମୃତ୍ୟୁ ଘଟିଥିଲା।

ସମ୍ବନ୍ଧିତ ଖବର