ବଲାଙ୍ଗୀର: ତୁରେକେଲା ବ୍ଲକ ମୁରିବାହାଲ ଗାଁରେ ଦୁଇ କରୋନା ପଜିଟିଭ
କଂଟାବାଞ୍ଜି: ବଲାଙ୍ଗୀର ଜିଲ୍ଲା ତୁରେକେଲା ବ୍ଲକ ବଡବାଙ୍କି ପଂଚାୟତ ମୁରିବାହାଲ ଗାଁର ଦୁଇ ଜଣ କରୋନା ପଜିଟିଭ ଟିହ୍ନଟ ହୋଇଛନ୍ତି । ପ୍ରଶାସନ ତରଫରୁ ସେମାନଙ୍କୁ ଭୁବନେଶ୍ୱର କିମ୍ସ କୋଭିଡ ହସପିଟାଲକୁ ପଠାଇ ଦିଆଯାଇଥିବା ଜଣାଯାଇଛି । ମୁରିବାହାଲ ଅତିରିକ୍ତ ସଂଗରୋଧ ଗୃହରେ ଦୁଇ ଜଣ ରହିଥିଲେ । ମୁମ୍ବାଇ ଆସିଥିବା ୪ ଜଣଙ୍କ ନମୁନା ପରୀକ୍ଷା କରାଯାଇଥିଲା । ଦୁଇ ଜଣଙ୍କ ନମୁନା ପରୀକ୍ଷା ରିପୋର୍ଟ ନେଗେଟିଭ ବାହାରିଥିବା ବେଳେ ଏହି ଦୁଇ ଜଣଙ୍କ ପରୀକ୍ଷା ରିପୋର୍ଟ ପଜିଟିଭ ବାହାରିଥିବା ସୁଚନା ମିଲିଛି ।
Sambad is now on WhatsApp
Join and get latest news updates delivered to you via WhatsApp
ତେବେ ବଲାଙ୍ଗୀର ଜିଲ୍ଲାପାଳ ଅରିନ୍ଦମ ଡାକୁଆ ସୁଚନା ଅନୁସାରେ ୧୨ ମେ ରେ ମୁମ୍ବାଇରୁ ଆସି ସଂଗରୋଧ କେନ୍ଦ୍ର ରହିଥିଲେ । ଯେହେତୁ ମୋନେ ସଂଗରୋଧ କେନ୍ଦ୍ରରେ ଥିଲେ ତେଣୁ ସେହି ଅଂଚଳକୁ କଣ୍ଟେନମେଂଟ ଘୋଷଣା କରିବାର କୌଣସି ଆବଶ୍ୟକ ନାହିଁ । ସେହି ଅଂଚଳର ଲୋକ କୌଣସି ପ୍ରକାର ଭୟଭିତ ହେବାର ନାହିଁ । ସଂଗରୋଧ କେନ୍ଦ୍ରରେ ଥିବା ଲୋକ କୌଣସି ପ୍ରକାରରେ ବାହାରୁ ଆସିବାର ନାହିଁ । ସେଠାରେ ସେମାନଙ୍କ ସମସ୍ତ ପ୍ରକାର ସୁବିଧା ଅଛି । ଦୁଇ ପଜିଟିଭଙ୍କ ସହ ସହିତ ମିଲାମିଶା ଥିଲା ନା ନାହିଁ ତାହା ସବୁ ଦେଖାଯାଉଛି । ପଜିଟିଭ ଥିବା ଦୁଇ ଜଣଙ୍କ ସହ ମିଶିଥିବା ସମସ୍ତଙ୍କୁ ପରୀକ୍ଷା କରାଯିବ ବୋଲି କହିଛନ୍ତି ।