ରାୟଗଡ଼ା/କଳାହାଣ୍ଡି: ‘ମୋ ସରକାର’ କାର୍ଯ୍ୟକ୍ରମ ସମୀକ୍ଷା କରିବା ପାଇଁ ୫ଟି ସଚିବ ଭି.କେ ପାଣ୍ଡିଆନ୍ ଗୁରୁବାର ରାୟଗଡ଼ା ଓ କଳାହାଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟ ପହଞ୍ଚିଛନ୍ତି। ବରିଷ୍ଠ ଆଇଏଏସ୍ ଅଧିକାରୀ ଆଜି ଉଭୟ ହସ୍ପିଟାଲରେ ବିଭିନ୍ନ କାର୍ଯ୍ୟକ୍ରମ କେମିତି ଚାଲିଛି ତାହା ସମୀକ୍ଷା କରିଛନ୍ତି। ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ‘ମୋ ସରକାର’ କାର୍ଯ୍ୟକ୍ରମର ସମୀକ୍ଷା କରିବା ସହିତ ରୋଗୀ ସେବା ଓ ଔଷଧ ଯୋଗାଣ ନେଇ ପଚାରି ବୁଝିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଭବାନୀପାଟଣାସ୍ଥିତ କଳାହାଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟରେ ଶ୍ରୀ ପାଣ୍ଡିଆନ୍ ରୋଗୀ ସେବା ଓ ଔଷଧ ଯୋଗାଣ ନେଇ ରୋଗୀମାନଙ୍କୁ ପଚାରି ବୁଝିଛନ୍ତି। ହସ୍ପିଟାଲ ପରିସରରେ ଦଲାଲଙ୍କ ପ୍ରାଦୂର୍ଭାବ ରହୁଛି କି ନାହିଁ, ତାହା ଅବଗତ ହୋଇଛନ୍ତି। ସେ ହସ୍ପିଟାଲ ପରିସର ଓ ବାହାର ପାର୍ଶ୍ୱ ବୁଲି ଦେଖିଛନ୍ତି। ସେହିପରି ଆରଟିଓ କାର୍ଯ୍ୟାଳୟ ଯାଇ ସେଠାରେ ଲର୍ଣ୍ଣିଂ ଲାଇସେନ୍ସ ପାଇଁ ଧାଡିରେ ଛିଡ଼ା ହୋଇଥିବା ଲୋକଙ୍କ ସହ କଥା ହୋଇଛନ୍ତି। ଗ୍ରାହକମାନେ ଭଲ ଭାବରେ ସେମାନଙ୍କର କାମ କରିପାରୁଛନ୍ତି କି ନାହିଁ, ତାହା ପଚାରି ବୁଝିଛନ୍ତି।