ମେଳା ଦେଖି ଘରକୁ ଫେରୁଥିବା ସମୟରେ ପ୍ଲାଟଫର୍ମ ଓ ରେଳ ମଝିରେ ଅନେକ ସମୟ ଧରି ଫସିଗଲେ ଯୁବତୀ, ତା’ପରେ..
ବାରିପଦା: କଥାରେ ଅଛି ‘ରଖିଲେ ହରି ମାରିବ କିଏ ’। ଏଭଳି ଘଟଣା ବାରିପଦା ସହର ଭଞ୍ଜପୁର ରେଳଷ୍ଟେସନରେ ଘଟିଛି। ପ୍ଲାଟଫର୍ମ ଓ ରେଳ ମଝିରେ ଜଣେ ଯୁବତୀ ଦୀର୍ଘ ସମୟ ଧରି ଫସି ରହିଥିଲେ ବି ତାଙ୍କର ସୌଭାଗ୍ୟବଶତଃ କୌଣସି କ୍ଷତି ହୋଇନାହିଁ । ଯୁବତୀଙ୍କ ପରିଚୟ ବେତନଟୀ ଅଂଚଳର ଅନୀତା ସାହୁ ବୋଲି ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ବାଙ୍ଗିରିପୋଷି-ବାରିପଦା-ବାଲେଶ୍ୱର ଡିଏମୟୁ ଟ୍ରେନ ବାଙ୍ଗିରିପୋଷିରୁ ଆସି ଭଞ୍ଜପୁର ଷ୍ଟେସନରେ ପହଞ୍ଚିଥିଲା । ଭଞ୍ଜପୁରଠାରୁ ବାଲେଶ୍ୱର ଅଭିମୁଖେ ଟ୍ରେନ ଛାଡିଥିଲା । ଟ୍ରେନର ବେଗ କମ ଥିବାରୁ ଅନୀତା ଟ୍ରେନରେ ଚଢିବାକୁ ଉଦ୍ୟମ କରିଥିଲେ । କିନ୍ତୁ ହଠାତ ତାଙ୍କର ଗୋଡ ପ୍ଲାଟଫର୍ମ ଓ ରେଳ ମଝିରେ ଖସିପଡିଥିଲା । ତେବେ ଟ୍ରେନ ଚାଲୁଥିବାରୁ ତାଙ୍କୁ କେହି ଉଦ୍ଧାର କରିବାକୁ ସାହସ କରି ନଥିଲେ ।
ଟ୍ରେନ ଯିବା ପରେ ଅନୀତାକୁ ସୁରକ୍ଷିତ ଭାବେ ପ୍ଲାଟଫର୍ମରୁ ଉଦ୍ଧାର କରାଯାଇ ମେଡିକାଲକୁ ପଠାଯାଇଥିଲା। ଅନୀତା ସାଙ୍ଗମାନଙ୍କ ସହ ବାରିପଦା ମେଳା ଦେଖିବାକୁ ଆସିଥିଲେ । ଡିଏମୟୁ ଟ୍ରେନରେ ଘରକୁ ଫେରିବା ସମୟରେ ଏଭଳି ଦୁର୍ଘଟଣା ଘଟିଥିଲା । ଯୁବତୀଙ୍କ ଗୋଡ ଓ ହାତରେ ଗୁରୁତର ଆଘାତ ଲାଗିଛି ।