ରଣବୀର-ଆଲିଆଙ୍କ ମଧ୍ୟରେ ପ୍ରେମ ସଂପର୍କ ଥିବା ନେଇ ମିଲିଲା ଆଉ ଏକ ସଙ୍କେତ, ଭୁଲବଶତଃ ଏହା କହି ଦୁହିଁଙ୍କ ମଧ୍ୟରେ ଥିବା ସଂପର୍କର ପ୍ରମାଣ ଦେଲେ କାଜୋଲ
ମୁମ୍ବାଇ : ବଲିଉଡ୍ରେ ଏବେ ସବୁଠାରୁ ଚର୍ଚ୍ଚାରେ ରହିଛି ରଣବୀର-ଆଲିଆଙ୍କ ପ୍ରେମ କାହାଣୀ । ଫିଲ୍ମ ‘ବ୍ରହ୍ମାସ୍ତ୍ର’ର ସୁଟିଂ ସେଟ୍ରୁ ଦୁହିଁଙ୍କ ଭଲ ପାଇବା ଆରମ୍ଭ ହୋଇଥିବା ବେଳେ ଏବେ ବିବାହ ପର୍ଯ୍ୟନ୍ତ ଯାଇ କଥା ପହଁଞ୍ଚିଛି । ବିବାହକୁ ନେଇ ଦୁଇ ପରିବାର ତରଫରୁ କୌଣସି ଅଧିକାରୀକ ଘୋଷଣା କରାଯାଇ ନ ଥିଲେ ମଧ୍ୟ ଦୁହିଁଙ୍କ ପରିବାର ସାଥୀରେ ବିତାଉଥିବା ସମୟକୁ ଦେଖି ଖୁବ୍ ଶୀଘ୍ର ଦୁହେଁ ବିବାହ କରିବେ ବୋଲି ଆଶଙ୍କା କରାଯାଉଛି । ଦୁହିଁଙ୍କ ମଧ୍ୟରେ ପ୍ରେମ ସଂପର୍କ ରହିଛି ବୋଲି ଅନେକ ଲୋକ ପ୍ରମାଣ ଦେଇ ସାରିଥିବା ବେଳେ ଏବେ ଅଭିନେତ୍ରୀ କାଜୋଲ ଏ ଖବରକୁ ଅଧିକ ସ୍ପଷ୍ଟ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏକ ଚାଟ୍ ସୋ’ରେ ତାଙ୍କୁ ଆଲିଆଙ୍କ ସହ ଜଡ଼ିତ ଏକ ପ୍ରଶ୍ନ କରାଯାଇଥିଲା, ଯାହାର ଉତ୍ତର ରଖିବାକୁ ଯାଇ ସେ ଆଲିଆ ଭଟ୍ଟଙ୍କୁ ଆଲିଆ କପୁର କହି ଦେଇଥିଲେ । ନିଜେ କରିଥିବା ଏଭଳି ଭୁଲ ଜାଣି କାଜୋଲ ଆଶ୍ଚର୍ଯ୍ୟ ହେବା ସହ ନିଜ ଭୁଲକୁ ପରେ ସୁଧାରିଥିଲେ । କିନ୍ତୁ କାଜୋଲ କରିଥିବା ଏହି ଭୁଲ ରଣବୀର ଏବଂ ଆଲିଆଙ୍କ ମଧ୍ୟରେ ଥିବା ସଂପର୍କକୁ ଅଧିକ ସ୍ପଷ୍ଟ କରିଛି ।