ରଣବୀର କପୁରଙ୍କଠାରୁ ଅଲଗା ହେବା ପରେ କିଭଳି ଅନୁଭବ ହେଉଛି ପ୍ରଶ୍ନ କରାଯିବା ପରେ ଆଶ୍ଚର୍ଯ୍ୟ କଲା ଭଳି ଉତ୍ତର ରଖିଲେ କ୍ୟାଟ୍ରିନା
ମୁମ୍ବାଇ : ଅଭିନୟକୁ ନେଇ ଅଭିନେତ୍ରୀ କ୍ୟାଟ୍ରିନାର କୈଫ୍ଙ୍କୁ ସମସ୍ତେ ଟ୍ରୋଲ କରିଥିଲେ ମଧ୍ୟ ଆଜି ସେ ନିଜର ନାଚିବା ଶୈଳୀ ଏବଂ ଭିନ୍ନ ଅନ୍ଦାଜ ପାଇଁ ସମସ୍ତଙ୍କ ମନରେ ଘର କରି ପାରିଛନ୍ତି । ବଲିଉଡ଼୍ର ଟପ୍ ଅଭିନେତ୍ରୀମାନଙ୍କ ମଧ୍ୟରେ ସେ ନିଜକୁ ସାମିଲ କରିଥିବା ବେଳେ ଏବେ ଫିଲ୍ମ ‘ଭାରତ’କୁ ନେଇ ସେ ଚର୍ଚ୍ଚାରେ । ତେବେ ଫିଲ୍ମ ଛଡ଼ା ସେ ଆଉ ଏକ କଥାକୁ ନେଇ ଚର୍ଚ୍ଚାରେ ରହିଛନ୍ତି । ଅଭିନେତା ରଣବୀର କପୁରଙ୍କ ସହ ତାଙ୍କ ସଂପର୍କ ବିଷୟରେ କହିବାକୁ ଯାଇ ସେ ଯେଉଁ ମନ୍ତବ୍ୟ ରଖିଥିଲେ ତାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଏକ ସାକ୍ଷାତକାରରେ ତାଙ୍କୁ ବ୍ରେକ୍ଅପ୍ ପରେ କୌଣସି ପ୍ରକାରର ଦୁଃଖ ହୋଇଥିଲା କି ନାହଁ ବୋଲି ପ୍ରଶ୍ନ କରାଯିବା ପରେ, ଭଲ ପାଇବାର ଭାବନା ଦୁନିଆର ସବୁଠାରୁ ବେକାର ଭାବନା । ଆପଣ ପ୍ରେମରେ ଥିବା ବେଳେ ଯେଉଁ ନିଷ୍ପତ୍ତିି ନିଅନ୍ତି, ତାହା ଆପଣଙ୍କୁ ସେ ସମୟରେ ଠିକ୍ ଲାଗିଥାଏ । କିନ୍ତୁ ପରେ ଆପଣ ଅନୁଭବ କରନ୍ତି କି ଆପଣ ସେ ନିଷ୍ପତ୍ତିି କ’ଣ ପାଇଁ ନେଇଥିଲେ । ମୋତେ ମୋ ବ୍ରେକ୍ଅପ୍କୁ ନେଇ କୌଣସି ଦୁଃଖ ନାହିଁ । ଏବେ ମୁଁ ମୋ ଜୀବନକୁ ଅଧିକ ଗୁରୁତ୍ୱ ଦେଉଛି । ଯେତେବେଳେ ଆମେ ନିଜ ଜୀବନକୁ ଗୁରୁତ୍ୱ ଦେଉ ସେତେବେଳେ ଅନୁଭବ ହୁଏ କି ଆମେ ନିଜ ବିଷୟରେ କିଛି ବି ଜାଣି ନାହେଁ । ଏବେ ମୁଁ ନିଜକୁ ଜାଣିବା ଆରମ୍ଭ କରିଛି ବୋଲି ପ୍ରତିକ୍ରିୟା ରଖିଥିଲେ କ୍ୟାଟ୍ରିନା।