୧୮ବର୍ଷ ବୟସରେ ଇଣ୍ଟରନେଟ୍ ସେନ୍ସେସନ୍ ପାଲଟିଲେ ମୈଥିଲୀ ଠାକୁର, ଦେଖନ୍ତୁ ତାଙ୍କ ଚମତ୍କାର ପ୍ରତିଭାର ଭିଡିିଓ
ପାଟ୍ନା : ଆଜିକାଲି ସୋସିଆଲ ମିଡ଼ିଆ ଏମିତି ଏକ ମାଧ୍ୟମ ପାଲଟିଛି, ଯାହା ଦ୍ୱାରା ଲୋକମାନେ ଖୁବ୍ ସହଜରେ ସମସ୍ତଙ୍କ ଦୃଷ୍ଟି ଆକର୍ଷଣ କରି ପାରୁଛନ୍ତି । ସୋସିଆଲ ମିଡ଼ିଆରେ ସେମାନେ ନିଜ ନିଜର ପ୍ରତିଭାକୁ ଦେଖାଇ ଲୋକପ୍ରିୟ ହେବା ସହ ତାଙ୍କ ପ୍ରତିଭାକୁ ଲୋକମାନେ ଜାଣି ପାରୁଛନ୍ତି । ପୂର୍ବରୁ ଏ ସୁବିଧା ନ ଥିବା ବେଳେ ଏବେ ଏହା ଯୁବପୀଢ଼ିଙ୍କୁ ନୂଆ ମାଧ୍ୟମ ଯୋଗାଇଛି । ଏହାକୁ ବ୍ୟବହାର କରି ବିହାରର ମୈଥିଲି ଠାକୁର ଏବେ ଇଣ୍ଟରନେଟ୍ ସେନ୍ସେସନ୍ ପାଲଟିଛନ୍ତି । ନିଜ ଭାଇଭଉଣୀଙ୍କ ସହ ମିଶି ସେ ନିଜ ଗୀତର ଯାଦୁ ସମସ୍ତଙ୍କ ଉପରେ ଚଳାଇବାରେ ସଫଳ ହୋଇଛନ୍ତି ବୋଲି ଭାଇରାଲ ହୋଇଥିବା ଭିଡିଓରୁ ସ୍ପଷ୍ଟ ଜଣାପଡ଼ୁଛି ।
Sambad is now on WhatsApp
Join and get latest news updates delivered to you via WhatsApp
ଭିଡିଓ ଭାଇରାଲ ହେବା ପରେ ବ୍ୟବହାରକାରୀମାନେ ଭିଡ଼ିଓରେ ନଜର ଆସୁଥିବା ୩ଜଣ ପିଲାଙ୍କ ବିଷୟରେ ଜାଣିବା ପାଇଁ ଇଚ୍ଛା ପ୍ରକାଶ କରୁଥିବା ଦେଖା ଯାଇଛି । ଭିଡ଼ିଓରେ ନଜର ଆସୁଥିବା ୩ଜଣ ପିଲାଙ୍କ ନାମ ମୈଥିଲି ଠାକୁର,ଋଷବ ଠାକୁର ଏବଂ ଅୟାଚୀ ଠାକୁର ବୋଲି ଚିହ୍ନଟ କରାଯାଇଛି । ଭିଡ଼ିଓରେ ମୈଥିଲି ଗୀତ ଗାଉଥିବା ବେଳେ ଋଷବ ତାବ୍ଲା ଏବଂ ତାଙ୍କ ସାନ ଭଉଣୀ ଅୟାଚୀ ତାଳି ମାରିବା ସହ ଗୀତ ଗାଉଥିବାର ଦେଖା ଯାଇଛି ।
ସୂଚନା ମୁତାବକ, ମୈଥିଲି ଦିଲ୍ଲୀର ଦ୍ୱାରିକାରେ ରହୁଥିବା ବେଳେ ବାଲ ଭବନ ଇଣ୍ଟରନ୍ୟାସନାଲ ସ୍କୁଲରେ ପାଠ ପଢ଼ୁଥିବା ଜଣାପଡ଼ିଛି । ଗାଁରୁ ଆରମ୍ଭ ହୋଇଥିବା ମୈଥିଲିଙ୍କ ଯାତ୍ରା ଏବେ ସାରା ଦେଶର ଲୋକମାନଙ୍କ ପାଖରେ ପହଞ୍ଚି ପାରିଛି । ଅନେକ ରିୟାଲିଟି ସୋ’ରେ ଭାଗ ନେଇଥିବା ମୈଥିଲି କଲର୍ସ ଚ୍ୟାନେଲରେ ପ୍ରସାରିତ ହୋଇଥିବା ରାଇଜିଙ୍ଗ ଷ୍ଟାରରେ ରନ୍ର୍ସ ଅପ୍ ହୋଇଥିଲେ । ତାଙ୍କ ଆଲବମ ୟା ରବ୍ବା ଏବେ ସୁପର ହିଟ୍ ସାବ୍ୟସ୍ତ ହୋଇଛି ।