୩ଦିନରେ ୨ଜଣ ମୁସ୍ଲିମ୍ଙ୍କୁ ହତ୍ୟା କରାଯିବା ପରେ ମୋଦୀଙ୍କୁ ପ୍ରଶ୍ନ କଲେ ଗୌହର ଖାନ୍, କହିଲେ; କ’ଣ ଆଗକୁ ୫ବର୍ଷ ଏମିତି ଚାଲିବ?
ମୁମ୍ବାଇ : ଲୋକସଭା ନିର୍ବାଚନର ଫଳାଫଳ ଆସିବା ପରେ ଏବେ ନୂଆ ସରକାର ଶପଥ ନ ନେବା ପୂର୍ବରୁ ବୟାନବାଜି ଆରମ୍ଭ ହୋଇ ଗଲାଣି । କିଛି ଦିନ ମଧ୍ୟରେ ମୁସ୍ଲିମ୍ମାନଙ୍କୁ ହତ୍ୟା କରାଯାଉଥିବା ଦେଖି ଅଭିନେତ୍ରୀ ଗୌହର ଖାନ୍ଙ୍କ ବୟାନ ସାମ୍ନାକୁ ଆସିଛି । ସିଧାସଳଖ ଭବେ ମୋଦୀ ସରକାରଙ୍କୁ ଟାର୍ଗେଟ କରି ସୋସିଆଲ ମିଡିଆରେ ନିଜର ଅସନ୍ତୋଷ ଜାହିର କରିଛନ୍ତି ଗୌହର ।
Sambad is now on WhatsApp
Join and get latest news updates delivered to you via WhatsApp
ଟୁଇଟ୍ କରି ୩ଦିନ ମଧ୍ୟରେ ୨ମୁସ୍ଲିମ୍ଙ୍କୁ ହତ୍ୟା କରାଯାଇଥିବା ବିଷୟରେ ଜଣାଇ କ’ଣ ଆଗକୁ ୫ବର୍ଷ ଏମିତି ଚାଲିବ ବୋଲି ପ୍ରଶ୍ନ କରିଛନ୍ତି ଗୌହର । ସୂଚନା ମୁତାବକ, ଗୁରୁଗ୍ରାମ ଏବଂ ମଧ୍ୟପ୍ରଦେଶରେ ମୁସଲମାନମାନଙ୍କୁ ମାଡ଼ ମରାଯିବା ସହ ୨ଜଣଙ୍କୁ ହତ୍ୟା କରାଯାଇଥିଲା । ଯାହାକୁ ନେଇ କ୍ରୋଧ ପ୍ରକାଶ କରିଛନ୍ତି ଗୌହର । ତାଙ୍କର ଏଭଳି ଟୁଇଟ୍ ପରେ ମୋଦୀଜୀଙ୍କ ସମର୍ଥକ ତାଙ୍କୁ ଟ୍ରୋଲ କରିବା ଆରମ୍ଭ କରି ଦେଇଛନ୍ତି । ତେବେ ଗୌହରଙ୍କ ପେଶାଦାର ଜୀବନକୁ ଦେଖିବାକୁ ଗଲେ ସେ ଏବେ କୌଣସି ଫିଲ୍ମ ବା ଆଲବମରେ କାମ କରୁ ନଥିବା ଜଣା ପଡ଼ିଛି ।