ଚର୍ଚ୍ଚାରେ କିମ୍ ଶର୍ମା: ୭୦ହଜାର ଟଙ୍କାର ପୋଷାକ ପାଇଁ ଘରର ଚାକରାଣୀକୁ ମାଡ଼ ମାରିଥିବା ଅଭିଯୋଗ
ମୁମ୍ବାଇ: ଗୋଟେ ସମୟରେ ଦର୍ଶକଙ୍କ ମନରେ ରାଜ କରୁଥିଲେ ଅଭିନେତ୍ରୀ କିମ୍ ଶର୍ମା । କିନ୍ତୁ ନବାଗତାମାନଙ୍କ ଏଣ୍ଟ୍ରି ପରେ ତାଙ୍କର କ୍ରେଜ୍ ଧିରେ ଧିରେ ଦର୍ଶକମାନଙ୍କ ମନରୁ କମିବାକୁ ଲାଗିବା ସହ ସେ ବଲିଉଡ଼୍ରୁ ଦୂରେଇ ଯାଇଥିଲେ । ଏବେ ପୁଣି ତାଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଛି । ୭୦ହଜାର ଟଙ୍କାର ପୋଷାକ ଖରାପ କରି ଦେବାରୁ କିମ୍ ତାଙ୍କ ଘରେ କାମ କରୁଥିବା ମହିଳାଙ୍କ ଉପରକୁ ହାତ ଉଠାଇଥିଲେ । ଏ ନେଇ ପୀଡ଼ିତା ଜଣଙ୍କ ଅଭିନେତ୍ରୀଙ୍କ ବିରୋଧରେ ଏତଲା ରୁଜୁ କରିଥିବା ଜଣା ପଡ଼ିଛି । ପୀଡ଼ିତା କରିଥିବା ଅଭିଯୋଗ ଅନୁଯାୟୀ, କିମ୍ଙ୍କର ୭୦ହଜାର ଟଙ୍କାର ପୋଷାକ ଠିକ୍ ଭାବରେ ସଫା ନ କରିବାରୁ କିମ୍ ତାଙ୍କୁ ମାଡ଼ ମାରିବା ସହ ଗାଳି ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ପୀଡ଼ିତା ଜଣଙ୍କ ୨୭ଅପ୍ରେଲ ୨୦୧୮ରୁ କିମ୍ଙ୍କ ଘରେ କାମ କରି ଆସୁଥିବା ବେଳେ ମେ ୨୧ରେ କଳା ଏବଂ ଧଳା ପୋଷାକଙ୍କୁ ଅଲଗା ସଫା କରିବା ପାଇଁ ଭୁଲି ଯାଇଥିଲେ । ଯାହା ଦ୍ୱାରା କିମ୍ଙ୍କ ଧଳା ରଙ୍ଗର ପୋଷାକରେ କଳା ରଙ୍ଗ ଲାଗି ଖରାପ ହୋଇ ଯାଇଥିଲା । ଏ ନେଇ ପୀଡ଼ିତା ତୁରନ୍ତ କିମ୍ଙ୍କୁ ଜଣାଇବା ସହ ଭୁଲ ମାଗିଥିଲେ ମଧ୍ୟ କିମ୍ ରାଗି ଯାଇ ପୀଡ଼ିତାଙ୍କୁ ମାଡ଼ ମାରିଥିଲେ । ଧକ୍କା ମାରି ତାଙ୍କୁ ଘରୁ ବାହାର କରିବା ସହ ଦରମା ବାବଦ ଟଙ୍କା ମଧ୍ୟ କିମ୍ ଦେବାକୁ ମନା କରି ଦେଇଥିଲେ । ଦରମା ଟଙ୍କା ଅନେକ ଥର ମାଗିବା ପରେ ସେ ମନା କରିବାରୁ ପୀଡ଼ିତା ବାଧ୍ୟ ହୋଇ ପୁଲିସରେ ଅଭିଯୋଗ କରିଥିଲେ ।