ନିଜର ଏଭଳି ଭୁଲ କାରଣରୁ ୬ମାସ ପାଇଁ ଜେଲ ଗଲେ ‘ଓ ସାକି ସାକି ଗର୍ଲ’ କୋଏନା ମିତ୍ର
ମୁମ୍ବାଇ : ବଲିଉଡ୍ର ଗ୍ଲାମରସ ଅଭିନେତ୍ରୀ କୋଏନା ମିତ୍ରଙ୍କୁ ୬ମାସ ଜେଲ ଦଣ୍ଡ ମିଳିଛି । ଚେକ୍ ବାଉନ୍ସ ହେବା ମାମଲାକୁ ନେଇ ମେଟ୍ରୋପଲିଟାନ ମାଜିଷ୍ଟ୍ରେଟ୍ ଏଭଳି ଦଣ୍ଡ ଶୁଣାଇଛନ୍ତି । ୬ମାସ ଜେଲ ଦଣ୍ଡ ଭୋଗିବା ସହ କୋଏନା ଅଭିଯୋଗକାରୀଙ୍କୁ ସୁଧ ସମେତ ୪.୬୪ଲକ୍ଷ ଟଙ୍କା ଦେବେ ବୋଲି ଅଦାଲତଙ୍କ ପକ୍ଷରୁ ଆଦେଶ ଦିଆଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୨୦୧୩ରେ ପୁନମ ସେଠୀ ନାମକ ଜଣେ ମହିଳା କୋଏନାଙ୍କ ବିରୋଧରେ ଚେକ୍ ବାଉନ୍ସ ହେବାର ମାମଲା ରୁଜୁ କରିଥିଲେ । ପୁନମଙ୍କଠାରୁ ୨୨ଲକ୍ଷ ଟଙ୍କା ନେଇ ପରେ ଫେରାଇ ପାରି ନଥିଲେ କୋଏନା । କିଛି ଟଙ୍କା ଶୁଝିଥିଲେ ମଧ୍ୟ ୪.୬୪ଲକ୍ଷ ବଳକା ରହି ଯାଇଥିଲା। ଶୁଝିବା ପାଇଁ ପରେ କୋଏନା ୩ଲକ୍ଷ ଟଙ୍କା ଚେକ୍ ଦେଇଥିଲେ ମଧ୍ୟ ତାହା ପରେ ବାଉନ୍ସ ହୋଇ ଯାଇଥିଲା, ଯାହା ପରେ ପୁନମ ୨୦୧୩ରେ ମାମଲା ରୁଜୁ କରିଥିଲେ । ଏହାର ଶୁଣାଣି କରି ଏବେ ଅଦାଲତ ପକ୍ଷରୁ କୋଏନାଙ୍କୁ ୬ମାସ ଜେଲ ଦଣ୍ଡ ଦିଆଯାଇଛି ।