ନୂଆଦିଲ୍ଲୀ : ‘ଦଙ୍ଗଲ’, ‘ବଜରଙ୍ଗୀ ଭାଇଜାନ’ ,‘ସିକ୍ରେଟ୍ ସୁପରଷ୍ଟାର’ ଆଦି ବଲିଉଡ୍ ଫିଲ୍ମ ଚୀନ ବକ୍ସ ଅଫିସରେ ଧମାଲ କରି ସାରିବା ପରେ ଏବେ ଧମାଲ କରିବାକୁ ଯାଉଛି ସାଉଥ୍ ସୁପରଷ୍ଟାର ପ୍ରଭାସଙ୍କ ଅଭିନୀତ ଫିଲ୍ମ ‘ବାହୁବଲୀ-୨’ । ଏହି ଫିଲ୍ମଟି ଭାରତରେ ବ୍ଲକ୍ବଷ୍ଟର ସାବ୍ୟସ୍ତ ହୋଇଥିବା ବେଳେ ଏହାକୁ ଜାପାନରେ ରିଲିଜ କରାଯାଇଥିଲା । ରିଲିଜ୍ ପରେ ଜାପାନର ଦର୍ଶକମାନେ ଏହାକୁ ଖୁବ୍ ପସନ୍ଦ କରିବା ସହ ଜାପାନ ବକ୍ସ ଅଫିସରେ ଫିଲ୍ମଟି ଭଲ ବ୍ୟବସାୟ କରିଥିଲା ।
Sambad is now on WhatsApp
Join and get latest news updates delivered to you via WhatsApp
ଏବେ ଚୀନ୍ ବକ୍ସ ଅଫିସରେ ମଧ୍ୟ ଫିଲ୍ମଟି ନିଜର କମାଲ ଦେଖାଇବ ବୋଲି ଅଭିନେତା ପ୍ରଭାସଙ୍କ ସମେତ ନିର୍ଦ୍ଦେଶକ ଏସ୍.ଏସ୍,ରାଜ୍ମୌଲୀ ଆଶା ରଖିଥିବା ଜଣା ପଡ଼ିଛି । ପୂର୍ବରୁ ଚାଇନିଜ୍ ମାର୍କେଟ୍ରେ ଅମିର୍ ଖାନ୍ଙ୍କ ଅଭିନୀତ ଫିଲ୍ମ ‘ଦଙ୍ଗଲ’ ଏବଂ ‘ସିକ୍ରେଟ୍ ସୁପରଷ୍ଟାର’ ୧୨୦୦କୋଟି ଏବଂ ୭୫୦ କୋଟି ଟଙ୍କା ଆୟ କରିଥିବା ବେଳେ ସଲମାନ ଖାନ୍ଙ୍କ ଫିଲ୍ମ ‘ବଜ୍ରଙ୍ଗୀ ଭାଇଜାନ୍’ ୩୦୦କୋଟି ଟଙ୍କା ଆୟ କରିଥିଲା । କିନ୍ତୁ ‘ବାହୁବଲୀ-୨’ର ପ୍ରଥମ ଭାଗଟି ଚାଇନିଜ୍ ମାର୍କେଟ୍ରେ ସେତେଟା ସଫଳତା ହାସଲ କରି ପାରି ନଥିଲା । ୭.୩କୋଟି ଆୟ ପରେ ଫିଲ୍ମର ପ୍ରଦର୍ଶନ ବନ୍ଦ ହୋଇ ଯାଇଥିଲା ବୋଲି ଜଣା ପଡ଼ିଛି । ତେବେ ଏହାର ଦ୍ୱିତୀୟ ଭାଗଟି ଦର୍ଶକଙ୍କୁ ପସନ୍ଦ ଆସିବ ବୋଲି ନିର୍ଦ୍ଦେଶକ ଆଶା ରଖିଥିବା ବେଳେ ଫିଲ୍ମଟି ମେ ୪ରେ ରିଲିଜ୍ ହେବ ବୋଲି ଜଣା ପଡ଼ିଛି ।