ପୁଣି ଏହି ନାୟକଙ୍କ ସହ ନଜର ଆସିବେ କ୍ରିତି ସାନନ !
ମୁମ୍ବାଇ: ଗତ ଦୀପାବଳିରେ ମୁକ୍ତିଲାଭ କରିଥିବା ଫିଲ୍ମ ‘ହାଉସ ଫୁଲ ୪’ରେ ପ୍ରଥମ ଥର ଏକାଠି ଆସିଥିଲେ ଅକ୍ଷୟ କୁମାର ଏବଂ କ୍ରିତି ସାନନ।ଏହି ଯୋଡ଼ିକୁ ଫିଲ୍ମଟିରେ ଖୁବ ପସନ୍ଦ ମଧ୍ୟ କରିଥିଲେ ଦର୍ଶକ । ଏବେ ଏହି ଯୋଡ଼ି ପୁଣି ଥରେ ଏକାଠି ଅଭିନୟ କରିବାକୁ ଯାଉଥିବାର ଖବର ମିଳିଛି।
Sambad is now on WhatsApp
Join and get latest news updates delivered to you via WhatsApp
ଅକ୍ଷୟ କୁମାର ଏବଂ କ୍ରିତି ସାନନ ଯେଉଁଥିରେ ଦ୍ୱତୀୟ ଥର ଲାଗି କାମ କରିବେ ସେହି ଫିଲ୍ମର ନାମ ହେଉଛି ‘ବଚ୍ଚନ ପାଣ୍ଡେ’ । ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱ ତୁଲାଇବେ ହାଉସଫୁଲ ୪’ ଫେମ୍ ଫରହଦ ସାମଜୀ । ସଂପ୍ରତି ଫିଲ୍ମଟିର ସ୍କ୍ରିପ୍ଟ କାମ ଚାଲିଥିବା ଜଣାପଡ଼ିଛି । ତେବେ ଏହି ଫିଲ୍ମରେ ଅକ୍ଷୟଙ୍କ ଅପୋଜିଟ କ୍ରିତିଙ୍କୁ ସାଇନ କରାଯାଇଥିବା କାରଣରୁ ତାହା ଏବେ ଚର୍ଚ୍ଚାର ବିଷୟ ପାଲଟିଛି।
‘ବଚ୍ଚନ ପାଣ୍ଡେ’ର ସୁଟିଂ ଆଗାମୀ ବର୍ଷ ଫେବୃଆରି ମାସରେ ଆରମ୍ଭ ହେବ ବୋଲି ଜଣାଯାଇଛି। ଏହାର ପ୍ରଯୋଜନା ସାଜିଦ ନାଡିଆଡଓ୍ୱାଲା କରୁଥିବା ଜଣାଯାଇଛି।