ମୁମ୍ବାଇ: କବି ଅମୃତା ପ୍ରୀତମଙ୍କ ଜୀବନକାହାଣୀକୁ ନେଇ ନିର୍ମାଣ ହେବାକୁ ଯାଉଛି ଏକ ବଲିଉଡ଼ ଫିଲ୍ମ । ଏହି ଫିଲ୍ମର ନିର୍ଦ୍ଦେଶନା ଦାୟିତ୍ୱ ସଂଜୟ ଲୀଲା ଭଂସାଲୀ ନେଇଥିବା ବେଳେ ଅମୃତାଙ୍କ ଚରିତ୍ରରେ ଆଲିଆ ଭଟ୍ଟ ନଜର ଆସିବେ ବୋଲି ଚର୍ଚ୍ଚା ଆରମ୍ଭ ହୋଇଛି । ତେବେ ଏ ନେଇ କୌଣସି ସ୍ପଷ୍ଟ ଚିତ୍ର ମିଳିପାରି ନାହିଁ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ‘ପଦ୍ମାବତ’ ନିର୍ଦ୍ଦେଶକ ସଂଜୟ ଲୀଲା ଭଂସାଲୀ ‘ପଦ୍ମାବତ’ର ସଫଳତା ପରେ ଏବେ ପ୍ରସିଦ୍ଧ କବି ଶାହିର୍ ଲୁଧିଆନ୍ବିଙ୍କ ଉପରେ ଫିଲ୍ମ ତିଆରି କରିବାକୁ ଯାଉଛନ୍ତି । ଶାହିର୍ଙ୍କ ଚରିତ୍ରରେ ଅଭିଷେକ ବଚ୍ଚନ ନଜର ଆସୁଥିବା ବେଳେ ଶାହିର୍ଙ୍କ ସାଥୀ ଅମୃତାଙ୍କ ଭୂମିକାରେ ଆଲିଆଙ୍କୁ ନେବା ପାଇଁ ଭଂସାଲୀ ମନୋନୀତ କରିଥିବା ସୂଚନା ମିଳିଛି । କିଛି ଦିନ ମଧ୍ୟରେ ଅଭିନୟରେ ଆଲିଆଙ୍କର ଉନ୍ନତି ଦେଖି ସେ ଏହି ନିଷ୍ପତ୍ତି ନେଇଥିବା ଜଣା ପଡ଼ିଛି । ଫିଲ୍ମ ‘ରାଜି’ର ଟ୍ରେଲର ଦେଖିବା ପରେ ସମସ୍ତେ ସେଥିରେ ଆଲିଆଙ୍କ ଅଭିନୟକୁ ପ୍ରଶଂସା କରିବା ସହ ଅନେକ ଗୁଡ଼ିଏ ଫିଲ୍ମର ଅଫର ମଧ୍ୟ ଆସିଛି । ପୂର୍ବରୁ ଅନେକ ଫିଲ୍ମ ପାଇଁ ଅଡ଼ିସନ୍ ଦେଇ ରିଜେକ୍ଟ ହେବା ପରେ ଏବେ ତାଙ୍କ ପାଖରେ ଫିଲ୍ମର କୌଣସି ଅଭାବ ନାହିଁ । ତେବେ ଭଂସାଲୀଙ୍କ ଆଗାମୀ ଫିଲ୍ମରେ ସେ ନଜର ଆସୁଛନ୍ତି କି ନାହିଁ ତାହା ଦେଖିବାକୁ ବାକି ରହିଲା ।